Россейли дирижёр, Санкт-Петербургну  къырал филармониясыны академия симфония оркестрини коллективини художестволу башчысы, Ата журтну аллында къыйыны ючюн орденни толу кавалери Юрий Хатуевич Темиркановха 80 жыл толгъанды.

Билдиргенибизча,  Грозныйни бек ариу The Local къонакъ юйюнде  Шимал Кавказны басма органларыны  VI Халкъла аралы форуму болгъанды.

Совет Союзну, Россейни, Къабарты-Малкъарны да халкъ артисти, СССР-ни, РСФСР-ни, жангы
Россейни да къырал  саугъаларыны  лауреаты  
Юрий Темиркановха бу кюнледе
80 жыл толады.

Москвада Доброволецлени халкъла аралы форуму кесини ишин бошагъанды. Анда анга аталгъан жылны эсеплери чыгъарылгъандыла.  Форумгъа Россейни битеу регионларындан бла тыш къыралладан да 12 мингнге жууукъ волонтёр къатышханды.

Чечен Республиканы ара шахары Грозныйде Шимал Кавказны басма органларыны «Цифровые медиа. Мир без границ» деген 6-чы халкъла аралы форуму ачылгъанды.

Тюнене Правительствону юйюнде КъМР-ни Башчысыны къуллугъун болжаллы халда толтургъан Казбек Коков Пятигорскну бла Черкесскни архиепископу Феофилакт бла тюбешгенди.

Россейни илмула академиясыны Къабарты-Малкъарда арасы бу кюнледе кесини 25-жыллыкъ юбилейин белгилейди. Анга жораланнган жумушла бир ыйыкъны ичинде Нальчикде бардырыллыкъдыла, ол санда кёрмючле, илму конференцияла бла семинарла.

«Эльбрус» курорт кесини къыш сезонун ачханды. Озгъан солуу кюнледе Минги тауну тийресинде 2 минг чакълы турист лыжалада бла сноубордда учхандыла. Аны юсюнден бизге «Шимал Кавказны курортлары» акционер обществону пресс-службасы билдиргенди.

 Москвада Россейни къоруулау министри, армияны генералы Сергей Шойгуну башчылыгъы бла 4-чю ведомствола аралы илму-практика конференция бардырылгъанды. Анда сёз Россей Федерацияны къоруулау бёлюмюне салыннган борчланы толтурууда информация байламлыкъланы магъанасыны юсюнден баргъанды.

Къабарты-Малкъарны Башчысыны къуллугъун болжаллы халда толтургъан Казбек Коков «Единая Россия» партияны регион жамауат приёмныйинде республикада жашагъан бир къауум адам бла тюбешип, аланы тилеклерине бла тарыгъыуларына тынгылагъанды.  Ала уа асламысында жашар жерлери тар, осал болгъанлары, социа