Черек районда 2018 жылдан бери 56 тийреде тапландырыу ишле бардырылгъандыла. «Тап шахар болум къурау» проектни чеклеринде 36 арбаз, он майдан, жаяу жюрюгенлеге эки тийре, алты стелла эмда эки эсгертме жангыртылгъандыла. Ишле битеуда онбир элде, кеслери да асламысында аланы ара тийрелеринде бардырылгъан эдиле. Аланы кезиуюнде жерге салыннган плитка жангыртылгъанды, чыракъла, шинтикле, урнала орнатылгъандыла, жашиллендириу жаны бла да мадар этилгенди. Бир-бир тийрелени тап халгъа келтирген эселе, башхаланы уа толусунлай жангыдан къурагъандыла.

Район буруннгу жылда жамауат тийрелени тапландырыугъа айырыу жаны бла Битеуроссей онлайн къол кётюрюуге къатышханды. Ол 07.gorodsreda.ru платформада бардырылгъан эди. Анда Бабугентни Маданият юйю хорлагъанды. Аны ючюн сегиз жюзден артыкъ инсан къол кётюрген эдиле. Элде 3900 чакълы адам жашагъанын эсге алсакъ, ол тарих алай аз да кёрюнмейди.

Элчиле айтханларына кёре, алгъын ол Юйню арбазында асфальты тозурап эди. Энди уа алайда жангы асфальт, тынгылы шинтикле да бардыла. Келип солургъа сюйгенлеге бир тюрлю чырмау жокъду.

Быйыл да республикада тапландырыргъа тийишли болгъан объектлени айырыу барады. Ала ючюн къол кётюрюрге сюе эсегиз бу сайтха киригиз: https://национальныепроекты.рф/mediaProjects/blagoustroystvo?utm_source=cur07

Улбашланы Мурат хазырлагъанды.