Иджыблагъэ Москва щекIуэкIащ мэкъумэш кооперативхэм я VI съездыр

ЗэIущIэшхуэм кърихьэлIащ Урысей Федерацэм и щIыналъэ 70-м къикIа делегату 500-м ­щIигъу. Ахэр тепсэлъыхьащ ди къэралым мэкъумэш коопера-         цэм зыщегъэужьынымкIэ дызыхуэкIуэ илъэс гъу­нэгъухэм къэув къалэн нэхъыщхьэхэм.

КъБР-м и Правительст­вэм хэтхэр, муниципальнэ щIыналъэхэмрэ къалэ ­округхэмрэ я Iэтащхьэхэр кърихьэлIэу тхьэмахуэ ­зэ­хуаку къэс къызэрагъэ-пэщ зэIущIэр иригъэ­кIуэкIащ КIуэкIуэ К. В. Абы щыхэплъащ муниципалитетхэм я бюджетхэр зэ­рагъэзащIэм, лъэпкъ ­проектхэм я щIыналъэ Iыхьэхэр къызэры­зэра­гъэ­пэ­щым, къагъэсэбэпа энер­­гием и уасэр зэрат щIы­­кIэм япыщIа Iуэхухэм.

КъБР-м и Парламентым и УнафэщI Егоровэ Татьянэ иригъэкIуэкIащ республикэм законхэр къыдэзыгъэкI и орган нэхъыщхьэм и президиумым и зи чэзу зэIущIэр. Правительствэм хухаха зэманым хиубыдэу абы щыхэплъащ фейдэ къэлэжьыныр зи мурад нэхъыщхьэу щымыт, социальнэ къалэнхэр зэфIэзыгъэкI зэгухьэныгъэу Къэ­бэрдей-Балъкъэр Республикэм щыIэ­хэм къэрал дэIэпыкъуныгъэ зэрыратым.

КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек щэ­кIуэгъуэм и 15-м яIущIащ «Урысейм и пашэхэр» урысейпсо зэхьэзэхуэм Къэбэрдей-Балъкъэрым щыщу щытекIуа­хэм.

ЩэкIуэгъуэм и 12 - 15-хэм ­Налшык къалэм щекIуэкIащ «Щэнхабзэр зэгурыIуэм и лъабжьэщ» зэхыхьэр. Абы хэтащ Кавказ Ищхъэрэм и щIыналъэ­хэм, Осетие Ипщэм, Абхъазым я лIыкIуэхэр (библиотекэхэм, музейхэм я лэжьакIуэхэр, художественнэ гупхэм я унафэщI­-хэр, н).

Дыгъуасэ Москва щекIуэкIащ Урысей Федерацэм транспортымкIэ и министр Дитрих Евгенийрэ Къэбэрдей-Балъкъэрым и Iэтащхьэм и къалэнхэр пIалъэкIэ зыгъэзащIэ КIуэкIуэ Казбекрэ я зэIущIэ.

Абы щытепсэлъыхьащ щIыналъэм и гъуэгу-транспорт IэнатIэм зегъэужьыным, нэхъ мыхьэнэшхуэ зиIэ инфраструктурэ проектхэу къэрал дэIэпыкъуэгъуншэу зэфIэ­мыкIынухэр гъэзэщIэным ятеухуа Iуэхухэм.
 

КъБР-м и Парламентым и еханэ зэхуэ­сым и ЩIалэгъуалэ палатэм хагъэхьэну­хэр къыхахын щIадзащ.

ЩэкIуэгъуэм и 10-м ягъэ­лъэпIащ Къэрал кIуэцI IуэхухэмкIэ органхэм я лэжьакIуэм и ­махуэр. КъБР-м щыIэ МВД-м щекIуэкIащ абы теухуа зэхыхьэ.

1804, 1810, 1816 гъэхэм пащты­хьыдзэм и генерал пашэхэу Глазенап, Булгаков, Ер­молов сымэ дзэшхуэхэр ящIы­гъуу Джылахъстэнейм къы­теуауэ щы­тащ икIи къуа­жэ щэны­къуэм хуэдизым лъап­сэрыхыр къыхуагъэ­кIуащ. ЗэратхыжымкIэ, зэтра­мы­гъэсхьауэ къэнар къуа­жибгъу къудейт, цIыхуми щIыми леишхуэ ирахат.

КIуэкIуэ К. В. республикэм и Прави­тельствэм, муниципальнэ щIыналъэ­хэмрэ къалэ округхэмрэ я уна­фэщIхэм зэIущIэ зыубгъуа ядригъэ­кIуэкIащ ­Урысей Федерацэм и Президент Путин  В. В. «Къэрал социальнэ политикэр гъэ­зэщIэным теухуауэ зэфIэгъэкIыпхъэхэм я IуэхукIэ» 2012 гъэм накъыгъэм и 7-м къыдигъэкIа Указым щыубзыхуахэр зэрагъэзащIэм теухуауэ.