КъМР-де МВД-ны Право жаны бла  бузукълукъла этген акъылбалыкъ болмагъанла болжаллы халда тургъан  арасында кенгеш бардырылгъанды.

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 25 миллион сом бёлюнюрюкдю. Аны юсюнден бизге  Эл мюлк министерствону пресс-службасындан билдиргендиле.    

Хорламны кюнюне хазырланыуну чеклеринде «Газпром газораспределение Нальчик» компанияны специалистлери Ёмюрлюк оту жаннган 36 эсгертмеге къарап чыкъгъандыла. Бу ишни ала «Газпром межрегионгаз» ООО-ну «Сыйлы борч. Ёмюрледе эсде къалырча» деген битеуроссей акциясыны кезиуюнде тамамлагъандыла.

Уллу Ата журт урушда совет халкъ келтирген Хорламны 77-жыллыгъына жораланнган республиканы шахарлары, районлары эм эллери бла ётген аскер-патриот халда машинала бла тизилишип барыуну келечилерине Терк районда тюбегендиле.

КъМР-ни Башчысы Казбек Коков Къабарты-Малкъардан барып энчи аскер операцияны чегинде жан берген аскерчилени жууукъларына къырал саугъаланы бергенди.

Тюнене Нальчикде Къабарты-Малкъарны эм уллу поликлиникасы боллукъ мекямны мурдоруна бетонну биринчи кубун къуюу жарыкъ жумуш бардырылгъанды. Жангы мекям 1-чи номерли шахар клиниканы тийресинде ишленирикди.

«Чекчилени жаш нёгерлерини» отрядларыны республикалы эришиулерине 12 команда, битеу да бирге школланы жюзден аслам окъуучусу, къатышхандыла. Слётну ала совет халкъны Уллу Ата журт урушда Хорламыны 77-жыллыгъына атагъандыла.

Тыш къыралладан келтирилген продукцияны кесибизде чыгъарылгъан тюрлюлерине алышындырыу иш тири бардырылып башланнганлы экинчи ай озгъанды. Алай «Газпром газораспределение Нальчик» компания бу жаны бла мадар этип тебирегенли уа талай жыл окъуна болады.

Быйыл кезиулю  сабан ишлени чеклеринде 46,9 минг тонна  неда,  былтыр бла тенглешдиргенде,  109 процентге кёп семиртгич къоратыллыкъды.  Ол санда жаз башы ишлени  бардырыргъа - 67 минг тонна.  Аны юсюнден бизге КъМР-ни  Эл мюлк министерствосуну пресс-службасындан билдиргендиле.

 Болдургъан жетишимлери эм кёп жылланы бет жарыкълы уруннганы ючюн Къабарты-Малкъарны Правительствосуну сыйлы грамотасы бла Тырныауузну Отарланы К.С. атын жюрютген 1-чи номерли лицейини «Энчи сабий» ресурс арасыны юйретиучюсю Тебердиланы Жаннет саугъаланнганды.