ФЕСТИВАЛЫМ ПАШЭ ЩОХЪУ

26 января, 2022 - 06:32

Бахъсэн район администрацэм щэнхабзэмкIэ и къудамэм и лэжьакIуэхэр щытекIуащ Адыгэ республикэм щекIуэкIа «Возвращение к истокам – путь к возрождению» фестиваль-зэпеуэм. Ар къызэрагъэпэщат Адыгэ Республикэм щэнхабзэмкIэ и министерствэмрэ     ЦIыхубэ щэнхабзэмкIэ центрымрэ, Адыгейм и къэралыгъуэр илъэси 100 зэрырикъум и щIыхькIэ.
   ЗэпэIэщIэу ирагъэкIуэкIа зэпеуэм ирагъэхьащ «КъуейплъыжькIэрыщIэ» дауэдапщэм теухуа видеонэтыныр. Унагъуэм щIалэ къыщихъуэкIэ къызэрагъэпэщ а   зэхыхьэр спорт джэгу-зэпеуэхэмкIэ,   гуфIэгъуэ Iэнэ берычэтхэмкIэ, саугъэтхэмкIэ гъэнщIащ.
Лъэпкъым къыдекIуэкI а хабзэм и дахагъэмрэ и мыхьэнэмрэ гу лърагъэтэн папщIэ, IуэхущIапIэм и лэжьакIуэхэм    кхъуейплъыжькIэрыщIэр  зэрырагъэкIуэкIыр зыубгъуауэ къагъэлъэгъуащ. Абы щIалэхэр я къарумкIэ, пщащэхэр адыгэ шхыныгъуэхэр гъэхьэзырыным щаIэ зэфIэкIхэмкIэ щызэпеуащ.
   Адыгэ хабзэм и дахагъэр апхуэдэу екIуу, удихьэхыу къыщыгъэлъэгъуа видеонэтыным и фIагъыр, къэпщытакIуэхэм я мызакъуэу, Интернетым абы щыкIэлъыплъахэми къалъытащ, абы папщIэ   саугъэт щхьэхуэри къалъысащ. Зэхьэзэхуэм зэрыхэта   лэжьыгъэм еплъыну гупыж зыщIхэм ар къыщагъуэтынущ Адыгэ Республикэм и ЦIыхубэ щэнхабзэ центрым и сайтым.

ТЕКIУЖЬ Заретэ.

  • 8 просмотров

Поделиться:

ЧИТАТЬ ТАКЖЕ:

26.04.2024 - 17:08

ФЭЕПЛЪ ЖЫГ ХАДЭХЭР ЯГЪЭТIЫСЫНУЩ

Урысейм мы гъэм етхуанэу щекIуэкIынущ къыдэкIуэтей щIэблэм я зэхэщIыкIым хэзыгъахъуэ, я щIэжым лъабжьэ быдэ езыгъэщI Iуэхугъуэ дахэ.
26.04.2024 - 17:07

ТЫЗЫЛЫКЪУЭР ПЭЩIЭДЗЭТ

Ди республикэм къухьэпIэмкIэ щежэх Балъкъ и псыхъуэм щхьэщылъагыкI Къэнжал бгыщхьэ тафэ хэшам и Iэхэлъахэм I708 гъэм зыщызэпашауэ щытащ Кърым хъаныгъуэу къэзыухъуреихь лъэпкъхэмрэ къэралыгъуэхэмрэ

26.04.2024 - 09:05

УЭРАМЫР КЪАГЪЭЩIЭРЭЩIЭЖ

Бахъсэн щIыналъэм хыхьэ Дыгулыбгъуей къуажэм мы махуэхэм щызэрагъэпэщыж Бахъсэным и цIэр зезыхьэ уэрам нэхъыщхьэр.
26.04.2024 - 09:03

ОЛИМП ЧЕМПИОНЫР ЯЩЫГЪУПЩЭРКЪЫМ

Олимп джэгухэм я чемпион Новиков Сергей и фэеплъ дунейпсо зэхьэзэхуэ универсальнэ зауэмкIэ (Унифайт) Мэзкуу областым и Домодедовэ къалэм иджыблагъэ щекIуэкIащ.
26.04.2024 - 09:03

КУБОКЫР КЪЫЗДАШЭ

Краснодар крайм иджыблагъэ щрагъэкIуэкIащ Кубаным и Кубокыр футболымкIэ къэхьыным хуэунэтIа зэхьэзэхуэ зэIуха. Саугъэт лъапIэм щIэбэнащ къэралым и щIыналъэхэм щыщ ныбжьыщIи 150-м щIигъу.