Бэрэжьей кIуам, щIышылэм и 23-м, лэжьыгъэ IуэхукIэ Къэбэрдей-Балъкъэр Республикэм щыIащ Урысей Федерацэм къэрал кIуэцI IуэхухэмкIэ и министр, полицэм и генерал Колокольцев Владимир икIи республикэ МВД-м и унафэщIхэм зэIущIэ ядригъэкIуэкIащ, - къет Урысей МВД-м и лIыкIуэ Иринэ Волк.

Урысей МВД-м и Iэтащхьэм къыхигъэщхьэхукIащ щIыналъэм и полицэм пIа­лъэ гъунэгъум и лэжьыгъэр нэхъ зыт­ригъэщIэну унэтIыныгъэ нэхъыщхьэхэр, къигъэлъэгъуащ экономикэ щIэпхъаджагъэмрэ экстремизмэмрэ япэщIэтыным к­ъарур нэхъри хузэщIэгъэуIуэн зэры­хуейр, пщэрылъ къащищIащ гъуэгу шынагъуэншагъэр къызэгъэпэщыныр ира­гъэ­фIэкIуэну.
Министрыр щыIащ Урысей МВД-м Шэ­рэдж районым щиIэ къудамэм, зригъэщIащ плъыр къулыкъум и гупым, уголовнэ къэлъыхъуэныгъэм, экономикэ щIэпхъаджагъэм пэщIэтынымкIэ, Iэп­хъуэшапхъуэ IуэхухэмкIэ и IэнатIэхэм я ­лэжьакIуэхэм я къалэныр ягъэзэщIэ- фын хуэдэу зыхуей-зыхуэфIкIэ къызэры­зэгъэпэщар. Абы гулъытэ хэха хуищIащ Iэпхъуэшапхъуэхэм хуащIапхъэ Iуэхутхьэбзэхэр зэрызэфIахым. Колокольцев Владимир лэжьакIуэхэм епсэлъащ, яж­риIащ къулыкъум ехъулIэныгъэхэр ща­Iэ­мэ зэригуапэр. Иужьым ар еплъащ ­2018 гъэм и дыгъэгъазэм лэжьэн щIэзыдза, яубыдахэр пIалъэкIэ щаIыгъ изоляторым и пэшхэр зыхуэдэм.
Министрыр щыIащ Урысей МВД-м и Краснодар университетым IэщIагъэм щыхагъахъуэ и Кавказ Ищхъэрэ институ­тым (Налшык къ.) икIи абы щылажьэ егъэджакIуэ гупым епсэлъащ.