Къэбэрдей-Балъкъэр Республикэм и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек дыгъуасэ лэжьыгъэ IуэхукIэ Москва щыхуэзащ Урысей гвардием и унафэщIым и япэ къуэдзэ генерал-полковник Меликов Сергей.

ЗэIущIэм щытепсэлъыхьащ республикэм шынагъуэншагъэр къыщызэгъэпэщыным, жылагъуэ хабзэр щыхъу­мэным, къызэрымыкIуэ щытыкIэхэр, Iуэху пIащIэгъуэхэр къыщыкъуэкIам деж лэжьыгъэхэр зэщIыгъуу къызэгъэ­пэщыным.
Урысей Федерацэм Лъэпкъ гвардием и дзэхэмкIэ и федеральнэ къулыкъущIапIэм и дзэ частхэу, подразделенэу Къэбэрдей-Балъкъэрым щыIэхэм, щыжаIащ зэIущIэм, ­къалэн нэрылъагъухэр къабгъэдохуэ щIыналъэм законыр щыгъэбыдэнымрэ шынагъуэншагъэр къыщызэгъэпэ­щынымкIэ икIи а Iуэхухэр абыхэм нэгъэсауэ зэфIагъэкI. Республикэм иджыпсту хуэфащэ гулъытэ щыхуащI Урысей гвардием и лэжьакIуэхэмрэ абы и дзэ частхэм хэтхэмрэ я псэукIэр егъэфIэкIуэным.
КъБР-м и Iэтащхьэмрэ