КIуэкIуэ Казбек Къэбэрдей-Балъкъэрым узыншагъэр хъумэнымкIэ и IэнатIэм и IуэхущIапIэ зыбжанэм щыIащ

20 декабря, 2018 - 06:30

 КIуэкIуэ Казбек Къэбэрдей-Балъкъэрым узыншагъэр хъумэнымкIэ и IэнатIэм и IуэхущIапIэ щхьэхуэхэм: Респуб­ликэ клиникэ сымаджэщым, Шэджэм район сымаджэщым, Онкологие диспансерым щыIащ.

КъБР-м и Iэтащхьэм и къалэнхэр пIалъэкIэ зыгъэзащIэр КъБР-м узыншагъэр хъумэнымкIэ и министр Хъубий Марат, Налшык къалэм и Iэтащхьэ Ахъуэхъу Таймураз сымэ щIыгъуу еплъащ Республикэ клиникэ сымаджэщым и торакальнэ, хирургие, урологие къудамэхэм, лъынтхуэхэмкIэ центрым, фэбжьхэм щеIэзэ IэнатIэм. Абыхэм щылажьэ IэщIагъэлIхэм хьэщIэхэр щыгъуазэ ящIащ Къэбэрдей-Балъкъэрым исхэм технологие лъагэхэр зи лъабжьэ медицинэ дэIэпыкъуныгъэу мы зэманым иратхэм. Къапщтэмэ, 2018 гъэм къриу­бы­дэу апхуэдэ операцэ зэмылIэужьыгъуэу ­­ ди деж 190-рэ хуэдиз щащIащ.
 Шэджэм район сымаджэщым КIуэкIуэ Казбек къыщызэхикIухьащ хирургие, нэм щеIэзэ, неврологие къудамэхэр. КъБР-м и Iэтащхьэм и къалэнхэр пIалъэкIэ зыгъэзащIэм къыхигъэщхьэхукIащ терапиемкIэ къудамэм и унэр ягъэува пIалъэхэм къриубыдэу зэрагъэпэщыжын, ар зыхуей мылъкумрэ IэмэпсымэхэмкIэ къызэрагъэпэщын зэрыхуейр.
 Онкологие диспансерым щеплъым нэхъ къыхагъэщхьэхукIащ абы псэуалъэхэмрэ унэхэмрэ къызэремэщIэкIыр. КъБР-м узыншагъэр хъумэнымкIэ и министрым зэрыжиIамкIэ, хирургие, химиотерапевт къудамэхэр Перинатальнэ центрым иIыгъыу щыта унэм, Шортэным и уэрамым тетым, зэрагъэIэпхъуэнур. Апхуэдэу абы ягъэ­­кIуэнущ реанимацэмкIэ къудамэри. Иджыпсту Онкологие центрым иIыгъ унэр зэгъэпэщыжын яуха нэужь поликилиникэмрэ махуэ стационарымрэ нэхъ ин ящIынущ.
Медицинэм и лэжьакIуэхэм, абыэм я унафэщIхэм, сымаджэхэм щепсалъэм къыхагъэщхьэхукIащ IэнатIэр зыхуеину хущхъуэхэмкIэ къызэрызэрагъэпэщыр, медицинэм и лэжьакIуэхэм я лэжьапщIэр зэрырат щIыкIэр, IэщIагъэлIхэм я щIэныгъэмрэ зэфIэкIымрэ зэрыхагъахъуэр, нэгъуэщIхэри.
А махуэ дыдэм КIуэкIуэ Казбек еплъащ дэIэпыкъуэгъу псынщIэм и автомашинэу иджыблагъэ республикэм къыIэрыхьахэм. Ахэр я бжыгъэкIэ 23-рэ мэхъури, зэман ­гъунэгъум къриубыдэу иратынущ ГузэвэгъуэхэмкIэ медицинэм и центрым, Налшык дэIэпыкъуэгъу псынщIэмкIэ и станцым, мелицинэ дэIэпыкъуэгъу псынщIэмкIэ район IэнатIэхэм.
 

КъБР-м и Iэтащхьэмрэ Правительствэмрэ я пресс-IуэхущIапIэ.
  • 8 просмотров

Поделиться:

ЧИТАТЬ ТАКЖЕ:

20.05.2024 - 12:25

ЩIЫХЬ ТХЫЛЪХЭР ЯРИТАЩ

Къэрал кIуэцI IуэхухэмкIэ министру Къэбэрдей-Балъкъэр Республикэм щыIэ, полицэм и генерал-майор Крючков Вячеслав я лэжьыгъэр утыку къихьэным и лъэныкъуэкIэ жыджэру къазэрыдэлажьэм папщIэ ведомствэм
20.05.2024 - 09:10

ЕДЖАПIЭ НЭХЪ ИН ДЫДЭР

Къэбэрдей-Балъкъэрым щынэхъ ин дыдэ курыт еджапIэр Налшык къалэм и «КъуэкIыпIэ» хьэблэм щаухуэ икIи абы щрагъэкIуэкI лэжьыгъэхэр и кIэм ноблагъэ.
20.05.2024 - 09:10

УНАГЪУЭРАЩ ХЭКУР КЪЫЩЕЖЬЭР

Налшык дэт Макъамэ театрым щагъэлъэпIащ «Илъэсым и унагъуэ - 2024» урысейпсо зэпеуэм и щIыналъэ Iыхьэм щытекIуахэр.
20.05.2024 - 09:09

КИНОФЕСТИВАЛЫМ И МАХУЭХЭР

Налшык къалэм и Курзалым накъыгъэм и 16-м къыщызэ­Iуахащ «Кинокавказ-2024» IV Кавказ Ищхъэрэ щIалэгъуалэ кинофестивалыр.
19.05.2024 - 09:03

ГУЛЪЫТЭР ЗИIЭ НЫБЖЬЫЩIЭХЭР

 «УхуакIуэ» Къэбэрдей-Балъкъэр колледжымрэ» Автогъуэгу колледжымрэ я студентхэу Прозоровский Александррэ Кизарисов Султанрэ зыхуагъэзащ КъБР-м и УМВД-м и жылагъуэ советым хэт Аттоевэ Дианэ, икIи жр