|
ТекIуахэр урысей зэпеуэм хэтынущ
6 сентября, 2023 - 06:03
«Налшык» спорт IуэхущIапIэм щекIуэкIащ Урысей Федерацэм и Лъэпкъ гвардием и дзэхэу Кавказ Ищхъэ-рэ округым щыIэхэм самбомкIэ я чемпионат. Ар къызэрагъэпэщащ Урысей Федерацэм и Лъэпкъ гвардием и Кавказ Ищхъэрэ щIыналъэ управленэм и спорт комитетымрэ Урысей гвардием и управленэу КъБР-м щыIэмрэ.
Зэхьэзэхуэм хэтащ росгвардеец 70 къызэщIэзыубыдэ щIыналъэ дзэ частхэмрэ щIыналъэ управленэхэмрэ я командэ 12.
ТекIуахэм ехъуэхъуащ, тыгъэхэри яритащ Урысей гвардием и управленэу КъБР-м щыIэм и унафэщIым и къалэнхэр зыгъэзащIэ Мэш Мурат.
Килограмм 53-м къыщыщIэдзауэ килограмм 93 хьэлъагъым нэс спортсменхэр тыгъи 10-м щIэбэнащ. Зэхьэзэхуэм кърикIуахэмкIэ япэ гупым щытекIуащ Урысей гвардием и управленэу КъБР-м щыIэм и гупыр. ЕтIуанэ увыпIэр лъысащ Владикавказ и командэм и дзэ къулыкъущIэхэм, Урысей гвардием и управленэу Дагъыстан Республикэм щыIэм и лэжьакIуэхэр ещанэщ. ЕтIуанэ гупым бжьыпэр щаубыдащ Ставрополь къикIа спортсменхэм, етIуанэ, ещанэ увыпIэхэр зэдагуэшащ Мэздэгурэ Иноземцевэрэ я дзэ къулыкъущIэхэм.
- Сынывохъуэхъу зыIэрывгъэхьа увыпIэхэмкIэ. Фэ къэвгъэлъэгъуахэм щIагъэбыдэ нобэ диIэ зэфIэкIхэр. ТекIуахэр хэтынущ фокIадэм Урысейпсо зэпеуэ екIуэкIынум. Сыфщогугъ Кавказ Ищхъэрэ щIыналъэр екIуу абы щывгъэлъэгъуэну, - жиIащ Урысей Федерацэм и Лъэпкъ гвардием и Кавказ Ищхъэрэ щIыналъэ управленэм и спорт командэм и унафэщI подполковник Бабяр Сергей.
БАХЪСЭН Азэмэт.
|
15.05.2024 - 09:32 Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист |
|
15.05.2024 - 09:31 Бахъсэн щIыналъэм хиубыдэ къуажэхэм фэеплъ пэкIухэр, зэIущIэхэр, зэхуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу. |
|
15.05.2024 - 09:29 1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ. |
|
15.05.2024 - 09:27 Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху |
|
15.05.2024 - 09:25 Хэку зауэшхуэр зымылъэгъуа щIэблэр абы теухуа уэрэдхэм, усэ-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залымыгъэу зэрахьамрэ зыхэтщIэу. |
|