«Бжьом хуэдэу екIущ», - жаIэ адыгэхэм. Апхуэдэу зыхужа-Iэр зи теплъэр дахэ, екIуу хуэпа, хьэл дахэ зиIэ цIыхубз щIыкIафIэращ. Апхуэдизу ягъэлъапIэ бжьоми сыт хуэдэ теплъэ иIэ? Бжьом бзымрэ хъумрэ зэхэгъэкIыгъуафIэщ. Бзым бжьакъуэ теткъым, хъум тетщ. Бжьакъуэр накъыгъэ мазэм ирихьэлIэу ятохури, шыщхьэуIум къатокIэж.
Бжьор инщ, см 130-м нэс и лъагагъщ, и хьэлъагъыр кг 90-м нос. И теплъэр кхъуэщыныфэ-плъыжьыфэщ, вагъуэм хуэдэу IэпапIэ хужьхэр хэкIутауэ. Езыр щтэIэщтаблэщ, ауэ цIыхум щIэх йосэ. Бжьор нэхъыбэу мэзым щопсэу, ауэ цIыхухэм щагъэхъу щIыпIэхэри щыIэщ: Америкэм, Белоруссием, Прибалтикэм, Новэ Зеландием.
Бжьохэр гуп-гупу мэпсэу.