|
Адыгэр дэни щыадыгэщ
31 августа, 2023 - 13:58
Сирием щыпсэу, дзэ-хьэуа къарухэм я полковник-кхъухьлъатэзехуэ, тхыдэтх, щIэныгъэлI-къэхутакIуэ Къэбэрдей Аднан и лъэпкъэгъухэм ятеухуа тхылъ пщIы бжыгъэхэр и Iэдакъэ къыщIэкIащ.
Къэбэрдей Аднан Сирием хыхьэ Эль-Къунейтрэ къалэм 1947 гъэм бадзэуэгъуэм и 29-м къыщалъхуащ. Курыт еджапIэ нэужьым Дамаск университетым естественнэ щIэныгъэхэмкIэ и факультетым щIэтIысхьащ 1967 гъэм. Зы илъэс докIри, дзэ-хьэуа колледжым щIотIысхьэ, ар лейтенант-кхъухьлъатэзехуэ IэщIагъэр иIэу къеух.
Адыгэхэм ятеухуа тхылъ 60-м щIигъу и Iэдакъэ къыщIэкIащ Аднан: «Предшественники адыгейской (черкесской нации)», «Абхазское адыгейское (черкесское) государство», «Голан в административных докладах и официальных документах», «Ответственность османских турков за трагедию черкесов», «Борьба жителей Голана», «Селение Аль Мансура - жемчужина Голана», «Трагедия черкесов на Северном Кавказе», «Черкесские абхазы - древность и вечность», «Черкесские забытые бумаги», «Последние батальоны черкесских всадников - 2007», «Голан» в решениях и декретах 1918 - 1938 гг.», «Черкесские корни султанов морского государства 1250 - 1382 гг.», «Черкесы правили или участвовали в правлении некоторых африканских государств», «Черкесы правили или участвовали в правлении некоторыми азиатскими государствами и европейскими государствами» лэжьыгъэхэр. Тхыдэр зи лъабжьэ и къыдэкIыгъуэхэр теухуащ Кавказ Ищхъэрэм, дуней псом щыпсэу адыгэхэм я щхьэм кърикIуа гузэвэгъуэм, хамэ къэралхэм щыпсэу ди лъэпкъэгъухэм я бзэр, фащэр, щэнхабзэ щIэинхэр зэрахъумэжым, адыгэш къызэрагъэхъум, Iэщэр зэрызэрахьэм, нэгъуэщIхэми. Къэбэрдей Аднан и гъащIэр и щапхъэщ, щыпсэу щIыпIэм емылъытауэ, адыгэр дэни зэрыщыадыгэм. И лъэпкъэгъухэм я блэкIар къэзыхутэжа тхыдэтхым хэлъхьэныгъэфIхэр хуищIащ ди тхыдэми щэнхабзэми. А тхыгъэхэр зэхуихьэсыжын папщIэ щIэныгъэлIыр библиотекэхэм, дэфтэрхэм щIэлъ тхылъ куэд иджащ, нэхъыжьхэм захуигъэзащ.
Къэбэрдей Аднан Дамаск щыIэ Адыгэ псапащIэ зэгухьэныгъэм и секретару, абы и унафэщIым и къуэдзэуи лэжьащ. Мы зэманым пенсэм тIысыжауэ зигъэпсэхуми, ноби адыгэхэм я жылагъуэ, псапэ, щэнхабзэ Iуэхухэм жыджэру хэтщ, ныбжьыщIэхэм я спорт клубхэр, адыгэ школхэр къызэрагъэпэщыным, адыгэбзэкIэ къыдагъэкI газетхэмрэ журналхэмрэ яхуотхэ.
|
15.05.2024 - 09:32 Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист |
|
15.05.2024 - 09:31 Бахъсэн щIыналъэм хиубыдэ къуажэхэм фэеплъ пэкIухэр, зэIущIэхэр, зэхуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу. |
|
15.05.2024 - 09:29 1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ. |
|
15.05.2024 - 09:27 Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху |
|
15.05.2024 - 09:25 Хэку зауэшхуэр зымылъэгъуа щIэблэр абы теухуа уэрэдхэм, усэ-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залымыгъэу зэрахьамрэ зыхэтщIэу. |
|