|
Нэхъ къарууфIэ мэхъу
16 августа, 2023 - 11:16
«Армия-2023» дунейпсо дзэ-техникэ форумыр къыщызэIуахым хэтащ КъБР-м и Iэтащхьэ КIуэкIуэ Казбек. Ар мы махуэхэм щокIуэкI Кубинкэ щыIэ Урысейм IэщэкIэ ЗэщIэузэда и Къарухэм я «Патриот» парк нэхъыщхьэм.
Урысей Федерацэм и Президент Путин Владимир зэIущIэр къыщызэIуихым къыхигъэщащ: «Урысейр хьэзырщ технологие, дзэ-техникэ я лъэныкъуэкIэ дяпэкIэ нэхъ убгъуауэ адрей къэралхэм ядэлэжьэну, зи лъэпкъ Iуэхур япэ изыгъэщхэм, зыужьыныгъэм тегушхуауэ хуэкIуэхэм, сыт хуэдэ къэралми зэхуэдэу шынагъуэншагъэр къыщызэгъэпэщыныр зыгъэнэхъыщхьэхэм гъусэ яхуэхъуну».
Гъэлъэгъуэныгъэм хэтщ урысей IуэхущIапIэу зы минрэ ныкъуэрэ, абыхэм утыку кърахьэнущ дзэ Iуэхум къыщагъэсэбэп техникэу мин 28,5-рэ. Абы хохьэ лъэщагъ ин зиIэ дзэ машинэ-хэр, кхъухьлъатэхэр, вертолётхэр, къэзылъэтыхь аппаратхэр, нэгъуэщIхэри.
Зэхыхьэм нэгъуэщI къэралхэми ди хэкуми щыщу къыщызэхуэсахэм иджырей мардэхэр зи лъабжьэ дзэ техникэр зэра-лъагъум и мызакъуэу, щIэныгъэ-практикэ конференцхэм хэтыну Iэмал яIэнущ, зэдэлэжьэнухэм зэгурыIуэныгъэхэр зэращIылIэфынущ.
Къапщтэмэ, апхуэдэ Iуэхуу 250-рэ щекIуэкIынущ форумым. КIуэкIуэ Казбек утыку кърахьахэм зыщигъэгъуэзащ, бронежилет, каскэ, дзэм къыщагъэсэбэп вакъэ, нэгъуджэ, БПЛА къыщIэзыгъэкI предприятэхэм я унафэщIхэм яхуэзащ икIи зэрызэдэлэжьэнум и Iэмалхэр яубзыхуащ, абыхэм къыщIагъэкIхэр республикэм къищэхуу, дзэ Iуэху хэхам щыIэ ди зауэлIхэм зэрыхурагъэшэнум тепсэлъыхьащ.
Iэтащхьэм къыхигъэщащ ди лъахэгъухэри апхуэдэ IуэхущIапIэхэм зэрыщылажьэр и гуапэ зэрыхъуар.
«Шэч хэмылъу, ди къэралым и зыхъумэжыныгъэ-промышлен-нэ къарум зэрызиужьыр гуапэпщохъу. Абы и фIыгъэкIэ дапэщIэтыфынущ димыныбжьэгъу къэралхэм къытхуащI сыт хуэдэ лъакъуэпэщIэдзми, ди цIыхухэри ихъумэфынущ, мамырыгъи зэтриублэфынущ», - жиIащ КIуэкIуэ Казбек.
|
15.05.2024 - 09:32 Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист |
|
15.05.2024 - 09:31 Бахъсэн щIыналъэм хиубыдэ къуажэхэм фэеплъ пэкIухэр, зэIущIэхэр, зэхуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу. |
|
15.05.2024 - 09:29 1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ. |
|
15.05.2024 - 09:27 Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху |
|
15.05.2024 - 09:25 Хэку зауэшхуэр зымылъэгъуа щIэблэр абы теухуа уэрэдхэм, усэ-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залымыгъэу зэрахьамрэ зыхэтщIэу. |
|