Бахсан муниципал районну администрациясындан билдиргенлерича, элледе кюзлюк  арпаны  оруп бошай турадыла. Алай бла бусагъатда ол 1085 гектарда кетерилгенди. Орта эсеп бла алып айтханда, бир гектардан 45 центнер чыгъады.    

Аны бла бирге кюзлюк будайны да кюн игиледе къадалып кетередиле.  Бюгюнлюкде мирзеу 500 гектарда жыйылгъанды. Мында да  гектардан 55 центнер алынады.  Быйыл арендаторла 200 минг центнерден аслам тирлик алыр мурат этедиле. 

Мюлклени барында да тийишли ишле болжалындан кеч къалмай тамамланадыла. Ол санда семиртгичле салынадыла  эм къурт-къумурсхадан бла жукъгъан аурууладан къорууларча дарманла да чачдырыладыла. Сагъынылгъан эмда башха жумушла тынгылы этилгенлери себепли, арт жыллада иги эмда бай тирлик алыргъа онг табылады.  

Хауа болумну юсюнден айтханда да,  быйыл кюзлюк эм жайлыкъ  къылкъылылагъа аман болмагъанды.