Къэбэрдей-Балъкъэрым и Жылагъуэ ­палатэм «Содружество» зыфIаща Iуэху­гъуэу иджыблагъэ щызэхашар теухуат 2024 гъэ екIуэкIыр Унагъуэм и илъэсу зэры­щы­тым. Зэхыхьэм щызэхуэсат республикэм и Жы­лагъуэ палатэм и къудамэхэу къалэ­хэмрэ районхэмрэ къыщызэрагъэпэщахэм я лIы­кIуэхэр. 

Урысей МВД-м Лэскэн районым щиIэ къудамэм и гъуэгу-плъыр IэнатIэм и инспекторхэм профилактикэ Iуэхухэр ирагъэкIуэкIыу, Чёрнэ Речкэ къуажэм пэгъунэгъуу щаубыдащ «Лэскэн мэзылъэ» IуэхущIапIэм и лэжьакIуэр. Абы шэч хуащI хабзэншагъэкIэ жыгхэр ириупщIыкIауэ. 

Зэпеуэхэр

ГъуазджэхэмкIэ Кавказ Ищхъэрэ къэрал институтым Щэнхабзэмрэ гъуазджэмкIэ и колледжым щекIуэкIащ музыкэ литературэмкIэ «Юный музыковед» олимпиадэм и щIыналъэ Iыхьэр. Ар теухуауэ щытащ урыс композитор цIэрыIуэ Глинкэ М. И. къызэралъхурэ илъэс 220-рэ зэрырикъум. 

Каменномост (Къармэхьэблэ) дэт курыт еджапIэ №2-м щекIуэкIащ сабийхэр щIэпхъаджащIэхэм ящыхъумэнымрэ интернет напэкIуэцIхэм гъэпцIагъэкIэ хабзэм къе­мызэгъ щрагъэлэжьыным пэщIэтынымрэ ятеухуа зэIущIэ.

Налшык къалэ и Музыкэ театрым щекIуэкIащ «ФIагъым и лъагапIэ-2024» фIэ­­щыгъэр зиIэ Япэ Кавказ-Ищхъэрэ конференц. Ар теухуауэ щытащ Урысей Фе­дерацэм медицинэ хуэ­Iу­хуэ­щIэхэр фIагъ пылъу икIи шынагъуэншагъэу къы­­щызэгъэпэ­щы­ным­кIэ лэжьыпхъэхэм.

Ди гъащIэм сыт щыгъуи увыпIэ ­лъагэ щызыубыд IэщIагъэ, щIэныгъэ куэд щыIэщ. Абыхэм ящыщщ архитектурэр. Ди республикэм и Iэтащхьэ КIуэкIуэ Казбек и унафэкIэ 2024 гъэр Архитектурэм и илъэсу ягъэуващ. 
 

Аруан щIыналъэм щыIэ «Шато Эркен» туризмэмкIэ центрым иджыблагъэ щекIуэкIащ «PROАгро СКФО 3.0» гъэлъэгъуэныгъэ- зэхуэсыр.

Къэбэрдей-Балъкъэрым мэ­лыжьыхьым и 26-м IуэхущIапIэ 78-м щатхащ Хэку зауэшхуэм  теухуа «ТекIуэныгъэм и диктант» урысейпсо тхыдэ диктантыр. Ар теухуауэ щытащ Ле­нинград къалэр щхьэхуит къызэращIыжрэ илъэс 80 зэрырикъум, ­СССР-м и гъунапкъэхэм совет зауэлI­хэр зэрикIам, фронтым щыIа тхакIуэхэм ящыщу зи юби­лейхэм, нэгъуэщIхэми. Iуэхур мы гъэм еханэу къызэрагъэпэщ.

КъБР-м курортхэмрэ туризмэмкIэ и министр ЩоджэнцIыкIу Мурат лэжьыгъэ Iуэху­кIэ Тэтэрстаным кIуауэ щыIэщ. Тэтэр­с­тан Республикэм ТуризмэмкIэ и комитетым иригъэблэгъащ ди хэгъэгум и лIы­кIуэхэр, КъБР-мрэ ТР-мрэ зэпызыщIэ ­кхъухьлъатэ къызэрытрагъэувам и щIыхькIэ. 

ЩоджэнцIыкIу Алий и цIэр зезыхьэ Къэбэрдей къэ­рал драмэ театрым ли-­те­ратурэ-макъамэ пшыхь гуапэ щекIуэкIащ, адыгэ усакIуэ, гупсысакIуэ, лъэпкъ литературэм и лъабжьэр зыгъэтIылъа ­ПащIэ Бэчмырзэ къызэралъхурэ илъэси 170-рэ зэрырикъуам и щIыхькIэ. Ар къызэ­ра­гъэпэщащ КъБР-м ЩэнхабзэмкIэ и ­министерствэмрэ КъБР-м и ТхакIуэхэм я зэ­гухьэныгъэмрэ.