|
|
ЗЭХУЭСЫШХУЭМ ЗЫХУАГЪЭХЬЭЗЫР
22 апреля, 2024 - 13:54
Экономикэ
Урысей Федерацэм и Правительствэм и УнафэщIым и къуэдзэ, Кавказ Ищхъэрэм хыхьэ щIыналъэхэр зи нэIэ щIэт Новак Александр видеозэпыщIэныгъэ IэмалкIэ иджыблагъэ зэIущIэ ядригъэкIуэкIащ Кавказым и инвестицэ зэхуэсышхуэр къызэгъэпэщынымрэ ар егъэкIуэкIынымрэ зи пщэрылъ къызэгъэпэщакIуэ гупым хэтхэм.
Ахэр тепсэлъыхьащ зэIущIэм и мардэу щытынухэм, абы щызэпкърахыну Iуэхугъуэ нэхъыщхьэхэм, нэгъуэщIхэми. ЗэIущIэм и лэжьыгъэм хэтащ Къэбэрдей-Балъкъэрым экономикэ зыужьыныгъэмкIэ и министр Рахаев Борис.
Хъыбар зэрыщыIэмкIэ, Кавказым и инвестицэ зэхуэсышхуэр мы гъэм Шэшэн республикэм щрагъэкIуэкIынущ, ауэ ар щызэхашэну пIалъэр зэкIэ яубзыхуакъым.
«Хамэ къэралхэм я лIыкIуэхэр, бизнесым хэтхэр ди деж къэкIуэну дапоплъэ. Жыджэру зэIущIэм зыхудогъэхьэзыр», - жиIащ Новак Александр.
«Кавказышхуэ – зы тенджызым къыщыщIэдзауэ адрей тенджызым нэсыху» зыфIаща а инвестицэ зэхыхьэшхуэм къалэн нэхъыщхьэу иIэнур щIыналъэхэм ягъуэтыну зыужьыныгъэхэмрэ яхэр адэкIи зэрызэдэлэжьэну щIыкIэмрэ убзыхунырщ, нэхъапэм зыщIадза Iуэхухэм кърикIуахэр зэпэлъытыжынырщ.
Фигу къэдгъэкIыжынщи, 2023 гъэм и накъыгъэм Кавказым и япэ инвестицэ гъэлъэгъуэныгъэр Минводы къалэм щекIуэкIауэ щытащ. Абы хэтащ къэрал 15-м я лIыкIуэу мини 3-м щIигъу. Лэжьыгъэ программэм Iуэхугъуэ зэмылIэужьыгъуэу 30-м щIигъу хиубыдащ, сом меларди I50-м щIигъу я уасэ зэгурыIуэныгъэу 50-м нэблагъэ зэращIылIащ.
Нэгъаби хуэдэу, Къэбэрдей-Балъкъэрри абы екIуу хэтынущ, IэнатIэ зэмылIэужьыгъуэхэм щиIэ ехъулIэныгъэхэр игъэлъэгъуэнущ, лъэныкъуитIми я фейдэ хэлъу зыдэлэжьэну IуэхущIапIэщIэхэм зыпащIэнуи я мурадщ республикэм и лIыкIуэхэм.
ХЬЭЩЫКЪУЕЙ Олег.
 |
15.05.2024 - 09:32 Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист |
 |
15.05.2024 - 09:31 Бахъсэн щIыналъэм хиубыдэ къуажэхэм фэеплъ пэкIухэр, зэIущIэхэр, зэхуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу. |
 |
15.05.2024 - 09:29 1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ. |
 |
15.05.2024 - 09:27 Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху |
 |
15.05.2024 - 09:25 Хэку зауэшхуэр зымылъэгъуа щIэблэр абы теухуа уэрэдхэм, усэ-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залымыгъэу зэрахьамрэ зыхэтщIэу. |
|
