Республиканы клиника болницасыны офтальмология бёлюмюне аурууну тохташдырыргъа эмда операцияла этерге болушхан лазер оборудование алыннганды. Аланы хайыры бла кёз аурууну башлана тургъан кезиуюнде окъуна ачыкъларгъа жарарыкъды.
Кёзлерин ау басханлада аны кетерир ючюн да лазер оборудование хайырланыллыкъды. Андан сора да, республикада биринчи кере лазер тробекулопластика этилликди. Операция 30 минут барлыкъды эм бошалгъандан сора саусуз юйюне жиберилликди.
Сагъынылгъан амалла бек къыйматлылагъа саналадыла. Бу жолгъа дери быллай болушлукъ алыр ючюн, саусузлагъа федерал аралагъа барыргъа тюшгенди. Энди аны борчлу халда медицина страховка бла (ОМС) бла кесибизде алыргъа онг барды.