Къабарты-Малкъарны сюд приставлары Россейни уголовно-толтуруу системасына 145 жыл толгъанына аталгъан къууанчлы жыйылыугъа къатышхандыла. Сюд приставланы федерал службасына салыннган борчланы бийик даражада толтургъан приставла уа ведомстволу саугъалагъа тийишли болгъандыла. Аны юсюнден бизге УФССП-ны пресс-службасындан билдиргендиле. 
УФССП-ны башчысыны болушлукъчусу   Мухадин Дзагалов коллегаларын алгъышлай, бу кюн жашауларын законлукъну, низамлыкъны сакълаугъа, аманлыкъчылыкъгъа къажау ишге жоралагъанлагъа сый-намыс берилгенин белгилегенди. Ол УФСИН-ни КъМР-де Управлениясыны башчысы  Александр Демидовну алгъышлап, жууапха тартылгъанлагъа россейли законлагъа, халкъла аралы излемлеге тийишли болумла къуралгъанлары ючюн ыспас этгенди.