Нальчикде шахматладан эришиуге бизни республикадан, Шимал Осетия-Аланиядан бла Ингушетиядан 165 спортчу къатышхандыла. Къабарты-Малкъарны шахматчылары, ахшы оюнла кёргюзтюп, аслам майдалгъа ие болгъандыла.

Алай бла эсеплеге кёре кеслерини жыл сан къауумларында Токуйланы Валерий, Александр Козак, Карим Карданов эм башхала хорлагъандыла. Кюмюш эм доммакъ майдалланы Князланы Рита, Жашууланы Алан, Текуланы Эмир, Къайгъырмазланы Амина, Резуан Шомахов, Артемий Денисонко, дагъыда талай адам къытхандыла.

Ызы бла «Каисса» шахмат арада къызланы араларында эришиу къуралгъанды. Ол тёгерек система бла ётдюрюлгенди, 10 партияны эсеплерине кёре эм иги Жантудууланы Амалия ойнагъанды, Ахматланы Амина – экинчи, Мирзоланы Лилана – ючюнчю, республиканы юч кере чемпионкасы Гасийланы Людмила уа тёртюнчю болгъандыла, деп билдиредиле Къабарты-Малкъарны Спорт министерствосундан.

Кульчаланы Зульфия.