Къабарты-Малкъар Россейде сюймеклик жолоучулукъланы араларындан бири болгъанды, деп билдиреди Gazeta.ru. Ол бу эсеплеге МТС Travel сервисде къонакъ юйледе отоуланы алгъанланы санына кёре келгенди. Жолоучулукъла сервисни келечилери уа республикада юйюр къурагъанла тойларын къайда этерге боллукъларын, ариу суратла алдырырча жерлени юсюнден айтхандыла.

Юлгюге ала «Нарзанла таласы» экопаркны келтиредиле, алайы жаш юйюрге солуу кюнлерин ётдюрюрге аламатды. Мында ариу юйлени хаух алыргъа, гара суулада жууунургъа, миллет ашарыкъланы татаргъа, тамаша табийгъатда таза хауада солургъа боллукъду. Ызы бла ала Шато-Эркен къаланы юсюнден айтадыла, ол орта ёмюрледеги къалалагъа ушашдырылып ишленнгенди, аллында кёлде къанкъазла жюзедиле, бир мингден аслам гектар жерде уа жюзюм терекле жашнайдыла. Андан сора да, экспертле  къонакълагъа Чегем чучхурлагъа бла Гедукогъа къайтыргъа айтадыла.

Кульчаланы Зульфия.