УРЫСЕЙПСО ЗЭХЬЭЗЭХУЭМ ХЭТЫНУХЭР

1 мая, 2022 - 06:35

Налшык дэт «Спартак» стадионым щекIуэкIащ Ипщэ, Кавказ Ищхъэрэ федеральнэ щIыналъэхэм ребги 7-мрэ (зи ныбжьыр илъэс 18 иримыкъуахэм) регбимкIэ (зи ныбжьыр илъэс 16 иримыкъуахэм) зэхьэзэхуэхэр. Я ныбжь елъытауэ зэщхьэщыха дэтхэнэ гупми хэтащ Кърымым, Дагъыстэным, Ростов областым, Краснодар крайм, Къэбэрдей-Балъкъэрым я командэхэр.
Зэхьэзэхуэхэр къыщIадзащ олимп регби 7-мкIэ. МахуиплIкIэ екIуэкIа зэIущIэхэм пашэныгъэр щаубыдащ Краснодар крайм и командэ къыхэхэм хэтхэм. Абыхэм къакIэлъокIуэ Ростов областым и лIыкIуэхэр. Ещанэ увыпIэр зыIэригъэхьащ Дагъыстэным и регби командэм.
Зи ныбжьыр илъэс 16 иримыкъуахэр щызэхьэзэхуа классическэ регбимкIэ зэпеуэм и саугъэт нэхъыщхьэр зыIэрагъэхьащ Кърымым къикIа спортсменхэм. Къэбэрдей-Балъкъэрым и щIыхьыр зыхъума «Налшык» спорт школым и гъэсэнхэм етIуанэ увыпIэр зыIэрагъэхьащ. Мыбыи ещанэ щыхъуащ Дагъыстэным и регбистхэр.
Зи ныбжьыр илъэс I8-м нэблагъэхэм я зэхьэзэхуэм Къэбэрдей-Балъкъэрым и командэ нэхъыщхьэм хэту щыджэгуахэм ящыщу нэхъыфIу къалъытащ КIэбышэ Алихъан. Илъэс 16-м фIэмыкIахэм я деж къыщыхэжаныкIащ Бэждыгъу Марат.
Зэхьэзэхуэм и финалистхэм Iэмал ягъуэтащ Урысей Федерацэм и зэхьэзэхуэу Зеленоград къалэм щекIуэкIынум хэтыну.

Мэзкуу Къан.

  • 10 просмотров

Поделиться:

ЧИТАТЬ ТАКЖЕ:

04.05.2024 - 09:03

БАЛЪКЪЫЗ КАМИЛЭ ДЫЩЭ МЕДАЛЬ КЪЕХЬ

УФ-м и еджакIуэхэм художественнэ гимнастикэмкIэ я урысейпсо спартакиадэм и 2-нэ Iыхьэр иджыблагъэ Астрэхъан къалэм щекIуэкIащ.
04.05.2024 - 09:03

ЕТIУАНЭ УВЫПIЭР КЪАХЬ

Космонавтикэм и махуэм и щIыхькIэ Минводы къалэм футболымкIэ зэхьэзэхуэ иджыблагъэ щрагъэкIуэкIащ.
03.05.2024 - 09:15

ЩIЫПIЭ ТЕЛЪЫДЖЭУ 40

ЗыгъэпсэхуакIуэхэр Къэбэрдей-Балъкъэрым къокIуэ и гуэл щхъуантIэхэр, псыкъелъэ цIэрыIуэхэр зрагъэлъагъуну, аузхэм къыщакIухьыну, псы хущхъуэ ирафыну, Iуащхьэмахуэ Iуплъэну, дэкIыну. 
03.05.2024 - 09:13

АЛИМ КIЭУХ ЗЭПЕУЭМ ХЭТЫНУЩ

Мэлыжьыхьым и 18 - 19-хэм Урысей МВД-м и Краснодар университетым и Ставрополь къудамэм щекIуэкIащ Урысей МВД-м и щIыналъэ органхэм балигъ мыхъуахэм я IуэхухэмкIэ я IэнатIэхэмрэ хабзэм ебэкъуа балиг
03.05.2024 - 09:13

СЕРТИФИКАТХЭР ИРАТАЩ

КъБР-м Егъэджэныгъэмрэ щIэныгъэмкIэ и министерствэм Сабийхэмрэ щIалэгъуалэмрэ я творчествэм зыщрагъэужь и уардэунэм щекIуэкIащ сабийхэр гъуэгу-транспорт къэхъукъащIэхэм хэмыхуэнымрэ ЮИД гупхэр къыз