Къашхатаудан Гуппойланы  Келлетни жашы Жагъафар агъачха жан салгъан, къолдан уста адамды. Тереклени кёп тюрлюлеринден: чертлеуюкден, эменден, чинардан да  юйде  жюрютюлген адырланы, башха керекли затланы, табийгъатны, жаныуарланы да суратларын  ишлейди. Алагъа къарасанг,  ала бек уллу хазна болгъанын кёресе.
Жагъафар хар ишин да уллу кёл салып тамамлагъан адамды. Бусагъатда аны чыгъармачылыкъ хазнасында 121 зат барды. Ала бири бирине ушамайдыла. 
Жыл сайын Жагъафар Чирик кёлню жагъасында  бардырылгъан "Алтын къол" фестивальгъа да къатышады. Анда аны ишлерине къарагъанла уллу багъа бичедиле. Аланы сатып алыргъа сюйгенлени саны да иги кесек болады.
   «Агъачдан абериле ишлерге мени аппам  Сарбашланы Исмайыл юйретгенди. Мен анга жюрек ыразылыгъымы билдиреме",- дегенди ол.
Далхатланы Марзият.