Кёп болмай Нальчик шахарны жер-жерли администрациясыны башчысыны къуллугъун толтургъан Азаматгерий Ашхотов «Каббалкэнерго» биригиуню келечилери бла тюбешгенди. Анда сёз келир жыл шахарны Мей тийресинде жашагъанланы ток бла тынгылы жалчытыр ючюн жангы подстанция ишлениригини юсюнден айтылгъанды, аны  проекти да сюзюлгенди. Къурулуш ишле 2028-2029 жыллада бардырыллыкъдыла, анга 1,1 миллиард сом къоратыллыкъды, деп айтылгъанды. 
Азаматгерий Мухамедович билдиргеннге кёре, бюгюнлюкде «Горный» районну асламысын ток бла 110 кВ кюч бла ишлеген «Долинск» подстанция жалчытады. Алай бла анга уллу ауурлукъ жетеди. Аны кючюн ёсдюрюр ючюн, башха оборудование керекди, аллай онг а жокъду. Ол себепден  жангысын сюегенден иги амал табылмагъанды. 
Подстанцияны къурулушуна  ахчаны "Россети Северный Кавказ" биригиу  бёллюкдю. Ол тамам болса, 32 МВА кюч бла жалчытырыкъды, 16 МВА кюч берген эки трансформатору эм башха устройстволары да боллукъдула. Аны хайыры бла жангы жашау тийрени, ол санда шахарны социал учрежденияларын бла предприятияларын да ток бла сылтаусуз жалчытыргъа онг чыгъарыкъды. 
Магометланы 
Сулейман.