Республикэм и Iэтащхьэ КIуэкIуэ Казбек иригъэкIуэкIащ КъБР-м и Правительствэм щыщхэр, Налшык къалэ округым и щIыпIэ администрацэм и Iэтащхьэм и къалэнхэр зыгъэзащIэ Ащхъуэт Азэмэтджэрий (су­рэ­тым)  сымэ зыхэта зэIущIэ.

Зэхуэсым щытепсэлъыхьащ республикэм и къалащхьэм адэкIи зегъэужьыным ехьэлIауэ къапэщыт къалэнхэм, лъэпкъ проектхэр гъэзэщIа зэрыхъум, гулъытэ хэха зыгъуэтыпхъэ ухуэныгъэхэр зэрекIуэкIым.
«Мыхьэнэшхуэ иIэщ мы зэманым зэте­хуауэ екIуэкI лэжьыгъэхэр къэмыгъэ­тIэс­хъэным, программэ яубзыхуахэр нэсу гъэ­зэ­щIэным, къалэм и IуэхущIапIэхэр, пщэ къы­дэхуэ къалэнхэм пэлъэщыным.
Япэ игъэщыпхъэхэщ социальнэ мыхьэнэ зиIэ IуэхущIапIэхэр зэгъэпэщыжыныр, щIэ­хэр ухуэныр, ущыпсэуну дзыхьщIыгъуэджэ хъуа унэхэм щIэсхэр къыщIэгъэпхъукIыныр, кIэрыхубжьэрыху быдэхэр дэшыныр, щIыналъэхэр зэIузэпэщ щIыныр.
Мылъкум пыщIа Iуэхухэми щхьэхуэу дыкъытеувыIащ.
Налшык зегъэужьыныр республикэм и ­зэ­Iу­зэпэщыгъэм и Iыхьэ мыхьэнэшхуэ зи­Iэщ. Ащхъуэт Азэмэтджэрий сехъуэхъуащ Къэбэрдей-Балъкъэрым и къалащхьэм щып­­сэухэмрэ и хьэщIэхэмрэ яфI зыхэлъ Iуэхухэр къехъулIэну», - щыжеIэ КIуэкIуэ Казбек Максым щиIэ напэкIуэцIым.