КъБР-м и Iэтащхьэ КIуэкIуэ Казбек IущIащ Абхъаз Республикэм ЩIа­лэгъуалэм я Iуэхухэмрэ спортымкIэ и къэрал комитетым и унафэщI Хагбэ Тарас. Ар хэтщ мы махуэхэм Къэбэрдей-Балъкъэрым щекIуэкI Урысей-Абхъаз щIалэ­гъуалэ зэхуэсым.

«Нэхъ пасэу Сыхъум щекIуэкIа дунейпсо экономикэ форумымрэ Минводы щызэхэта Кавказ инвестицэ зэхуэсышхуэмрэ Iэ зыщытеддза зэгурыIуэныгъэхэм япкъ иткIэ социально-экономикэ IэнатIэхэм дызэры­щы­зэдэлэжьэнум и гугъу тщIащ. Гулъытэ хэха хуэтщIащ щIалэгъуалэ ­по­литикэр пхыгъэкIыным, зэ­ныб­жьэгъугъэм, зэгъунэгъугъэм я хабзэ­хэр гъэ­бы­дэным.
Шэч хэмылъу, мыхьэнэшхуэ зиIэщ псапащIэ Iуэхухэри.
Хагбэ Тараси Абхъазым и адрей лIы­кIуэхэми фIыщIэ яхуэсщIащ Къэбэрдей-Балъкъэрым къызэрыкIуам папщIэ. Дэ долъагъу ди щIалэ­гъуалэм зэщхьу хьэл куэд зэрахэлъыр, Хэку, унагъуэ, щIыхь, ныбжьэ­гъугъэ, нэхъыжьхэм пщIэ яхуэ­щIын, тхыдэм хуэпэжын я лъэныкъуэкIэ зы Iуэху еплъыкIэщ абыхэм яIэр.
Абхъазым и Президент Гунбэ Бадрэ щхьэхуэу фIыщIэ хузощI апхуэдэу ды­зэрызэпыщIам, зэIухауэ дызэрызэху­щы­тым папщIэ. Шэч къытесхьэркъым зэгъусэу дызэлэжь проектхэм ехъулIэныгъэхэр къазэрыдэкIуэнум, къызэрытхуэщхьэпэнум», - КIуэкIуэ Казбек зэIущIэм щытепсэлъыхьы-жым апхуэдэу щитхащ Максым щиIэ напэкIуэцIым.