Къабарты-Малкъар къырал университетни Орус тил эм маданият арасыны бла Брестни  А.С. Пушкин атлы къырал университетни араларында онлайн халда тюбешиу бардырылгъанды. Телевизор кёпюр Россейни бла Белоруссияны Халкъларыны бирлигини кюнюне аталгъанды эмда эки университетни студентлерин бла устазларын байлашдыргъанды.

Тюбешиуге къатышханла тилни, маданиятны эмда арада байламлыкъла жюрютюуню онгларын сюзгендиле. Филология бёлюмню студентлери белорус тилде назмула, нарт сёзле эмда айтыула окъугъандыла, аны бла бирге музыка номерле да хазырлагъандыла.

Тюбешиу эки къыралны географиясыны, адабиятыны эмда адет-тёрелерини юслеринден элберле бла бошалгъанды.

Кючмезланы Айза