Нальчикде ММА-дан республиканы биринчилиги бардырылгъанды, анга шахарланы бла эллени спорт араларындан умутландыргъан жаш гёжефле къатышхандыла.

Сермешгенлени араларында «Эльбрус» клубну келечилери да болгъандыла, ала аслам майдал да – 10 алтын, 6 кюмюш эмда 6 доммакъ – алгъандыла. Алай бла кеслерени ауурлукъ къауумларында эм кючлюле Базиланы Алихан, Имран Мендикеев, Мисирланы Камиль, Нёгерланы Алихан, Отарланы Алан, Тебердиланы Тамерлан, Эльдар Уразаев, Хозаланы Инал, Эндрейланы Ислам болгъандыла. Экинчи жерлеге Балаланы Илияс, Боллуланы Аскербий, Мухаммад Гамурзиев, Герийланы Казбек, Имран Гороев, Хапаланы Эмиль чыкъгъандыла. Аппаланы Ислам, Балаланы Рахим, Гочаланы Кязим, Локияланы Рустам, Отарланы Мансур, Элбайланы Алихан ючюнчюле болгъандыла. Аланы тренер Ногъайлыланы Азамат бла клубну башчысы Ёлмезланы Дагиб юйретедиле.

Биринчи эм экинчи жерлени алгъан спортчула энди республикабызны атындан СКФО-ну чемпионатында бла биринчилигинде сермеширикдиле.

Хабибуллахланы Зульфия.