КъБР-м и Iэтащхьэ КIуэкIуэ Казбек зыщигъэгъуэзащ Нал- шык къалэ 2-нэ Тамань дивизэм и цIэр зезыхьэ и уэрамым къыщызэрагъэпэщ спорт-нэгузыужь IуэхущIапIэхэм лэжьыгъэр зэрыщекIуэкIым.

НэхъапэкIэ мыбы къыщызэIуахащ Мылылъэ уардэунэр, спорт утыку зэмылIэужьыгъуэхэр, апхуэдэуи творчествэмкIэ сабий академиерэ спорткомплексрэ.
Нэгъабэ ТекIуэныгъэм и паркым и япэ Iыхьэр и кIэм нагъэсащ, гъатхэпэхэм деж къыкIэлъыкIуэ лэжьыгъэхэр яублэ­жынущ. Апхуэдэу я мурадщ Налшык псым и Iуфэр, Идарым и цIэр зезыхьэ, Осетин уэрамхэм я зэхуакум хуэзэр, сыт и лъэны­къуэкIи зэIузэпэщ ящIыну.
КъищынэмыщIауэ, зэман гъунэгъум къриубыдэу а щIыпIэм деж щаухуэнущ экстрим-парк, зыхуэныкъуэ спорт Iэмэп­сы­мэхэмкIэ къызэгъэпэщауэ, йогупсыс фиджитал-центр къы­зэIухынми.
ЩIыналъэм и Iэтащхьэм, зытепсэлъыхьа Iуэхухэм къадэкIуэу, пщэрылъ ящищIащ Налшык псым и Iуфэр ягъэкъэбзэну.