Быйыл Къабары-Малкъарда «Узакъ эм тири  жашау бардырыу»  миллет проектге кёре  районла  аралы больницаланы  поликлиникаларын сегиз цифралы  маммограф  бла жалчытхандыла, деп билдириледи КъМР-ни Саулукъ сакълау министерствосуну пресс-службасындан.  

Жангы  оборудованияны хайыры бла тиширыулада ракны башлана тургъан кезиуюн ачыкъларгъа  болушады. Ол саулукъгъа къоркъуусузду эм тёрели рентген аппаратладан тынгылыракъ къараргъа, къысха заманда диагноз  салыргъа онг береди.  

Саулукъ сакълау учреждениялада эки жыйырма  жылдан атлагъан тиширыулагъа  кеслерине къаратыргъа  кереклиси эсгертиледи.

Саулай алып айтханда, энди районлада жашагъанла,  Нальчикге келе турмай, жерлеринде  диагностиканы ётерге боллукъдула.

Эсге сала  айтсакъ, сагъынылгъан миллет пректге кёре, регионну  медицина организацияларына онеки  цифрары маммограф алыннганды.  Быйылны юсюнден айтханда, кеслерине  онбир минг  тиширыу къаратхандыла. Аны хайыры бла 2,5 минг адамда  онкологияны  башлана тургъан кезиуюнде  табаргъа къолдан келгенди.

Магометланы Сулейман.