Республиканы билим берген учрежденияларында  окъугъанла эмда ишлегенле  энчи аскер операциягъа къатыша тургъан аскерчилеге деп  жандауурлукъ этиулерин бир кюнде да къоймайдыла. Алай бла  бу кюнледе Басхан районну, Басхан шахарыны 8-чи номерли мектебинде окъугъанла, устазла да аскерчилеге деп  кёп тюрлю-тюрлю  затла жыйышдырып ашыргъандыла.

Сабийлени жандауурлукъ ишлерине  ата-аналары да  эс бургъандыла. Алай бла аскерчилеге деп  кёп санда  жылы кийимле, аш-азыкъ  медицина керекле, сапынла, порошокла да къагъыт орунлагъа жыйышдырылгъандыла. Дагъыда  къызчыкъла бла жашчыкъла орунланы ичине  письмола, суратла, келе тургъан Жангы жыл бла алгъышлау открыткала да салгъандыла.

Битеу жюкню сабийле  «Бир атламны да артха угъай» деген волонтёр къауумгъа ётдюргендиле. Ала уа жууукъ заманда жюкню жерине тапдырлыкъдыла.

Холаланы Марзият.