Кёп болмай Эл мюлкде бла жарашдырыучу промышленностьда  уруннганланы  кюнюне жоралап «Чегем Агро» теплица комплексде уруннган   бир къауум адам иш кёллюлюклери ючюн  КъМР-ни Эл мюлк министерствосуну  бла Чегем районну администрациясыны сыйлы грамоталарына тийшли болгъандыла.  

Эсге сала айтсакъ, бюгюнлюкде Чегем районда агропромышленный комплекс бёлюмде  тёрт жюзден артыкъ предприятие, элчи-ферма эм энчи предприниматель  къармашадыла. Ала  кюн сайын салгъан къыйынлары республиканы эм саулай къыралны да экономикасын айнытыу эм аш-суу жаны бла къоркъуусузлугъун жалчытыу да  ахшы къошумчулукъ этеди.

 Бюгюнлюкде районда юй къанатлыла, тууарла, терек бахчала, теплица комплексле, жемишле сакъланнган жерле да ишленедиле. Аны бла бирге мирзеу, жемиш, тахта кёгетчилик эм наныкъда иги кесек жерде ёсдюрюледи. Алагъа билеклик этер хыйсапда  къыралны жанындан  дайым грантла  берилгенлерин да энчи белгилерчады.  Мындан арысында да бёлюм айнырча власть органла  инвестицияла этилирине аслам эс бурлукъларын да билдиргендиле.

- Эл мюлкде уруннганланы байрамлары бла   жюрюекден алгъышлайбыз. Саулукъ, монглукъ эм  жангы жетишимле тежейбиз, деп къошхандыла районну администрациясыны пресс-службасындан да.

Магометланы Сулейман.