2025 гъэм шыщхьэIум и 18-м щегъэжьауэ «горыроссии.рф»-м и интернет порталым урысейпсо IэIэт щрагъэкIуэкI. Абы къыщыхах  къуршхэм я нэхъыфIу къалъытэхэр, къэралым и бгы-лыжэ комплекс нэхъ ин дыдэхэм щегъэжьауэ хьэщIэщ нэхъ цIыкIухэм деж  щиухыжу.

 Бгы-лыжэ комплексхэм ехьэлIауэ IэIэтхэм унэтIыныгъэ 24-рэ къызэщIаубыдэ – цIыхухэм хуащIэ Iуэхутхьэбзэхэм я фIагъым къыщыщIэдзауэ абыхэм зыщрихьэлIэ къэхъукъащIэхэр зыхуэдэм нэсыху.

 Илъэс хъурейкIэ туристхэр езыгъэблагъэ «Iуащхьэмахуэ» курортыр IэIэтым унэтIыныгъитIкIэ хэтщ. Япэр «Кавказ Ищхъэрэ федеральнэ округым и бгы-лыжэ курорт нэхъыфI» зэхьэзэхуэрщ. ЕтIуанэм – «Туристхэм папщIэ Iуэхугъуэ нэхъыбэ щызэхашэ, къыщаIэт бгы-лыжэ курорт» зэпеуэм - япэ увыпIэр иджыпсту щиIыгъщ, а унэтIыныгъэм щхьэкIэ Iэ зыIэтахэм я процент 42-р абы иратауэ.

«Iуащхьэмахуэ» курортым щхьэкIэ IэIэтым республикэм щыпсэухэр хэт хъунущ, «горыроссии.рф» сайтыр къагъэсэбэпу.  Ар екIуэкIынущ 2025 гъэм жэпуэгъуэм и 15 пщIондэ.

                                                                            АЛЫДЖЫКЪУЭ Руслан.