Къэбэрдей-Балъкъэрым и Iэтащхьэ КIуэкIуэ Казбек Налшык къалэ щыIущIащ дзюдоист-спортсменхэмрэ тренерхэмрэ.

«Урысейм и спортсмен нэхъ лъэщ дыдэхэм - Къэбэрдей-Балъкъэрым щыщ-хэм яхыхьащ Блий Iэюб. Венгрием иджы­благъэ щекIуэкIа чемпионатым домбеякъ медаль къыщихьащ абы килограмм 60 зи хьэлъагъхэм я деж. Урысейм и командэ къыхэхам, дуней псом ДзюдомкIэ и федерацэм и ныпым щIэту бэнам, и япэ текIуэ­ныгъэщ ар. Iэюб и тренерхэр Гъэунэ Ан­дзор, Волович Данил, Станев Евгений сымэщ. 
Нобэ сэ сыIущIащ Iэюбрэ абы и тренер Гъэунэ Анзоррэ, ди лъахэгъу цIэрыIуэхэу Мудрэн Беслъэнрэ Тменов Тамерланрэ.
Ди спортсмен цIэрыIуэхэр, егъэлея ­хэ­мылъу, ди республикэм къанэ щымы-                    ­Iэу псоми щацIыху.
Ахэр псори спортсмен лъэщщ, Урысей спортым и зыужьыныгъэм хэлъхьэныгъэ екIухэр хуащI. Абыхэм ящыщ дэтхэнэ зыми и спорт гъащIэм къриубыдэу текIуэныгъэ ­гукъинэжхэр къыщахьащ Урысей, Европэ, дунейпсо чемпионатхэм, я зэфIэкIхэри ­къалъытащ къэрал дамыгъэ лъапIэхэмкIэ.
Дытепсэлъыхьащ Къэбэрдей-Балъкъэрым и спортым зегъэужьыным ехьэлIа Iуэхугъуэхэм, къытщIэхъуэ спортсмен ныбжьы­щIэхэр гъэсэнымкIэ тренерхэм я пщэ­рылъхэм. 
Iэюбрэ республикэм дзюдомкIэ и ко­мандэмрэ я ехъулIэныгъэмкIэ сехъуэхъуащ, Урысеймрэ Къэбэрдей-Балъкъэ­рымрэ я щIыхьыр яIэту лъагапIэщIэхэр къащтэну си гуапэщ», - дыкъыщоджэ КъБР-м и Iэтащ­хьэм и телеграм-каналым.