«Зыгъэпсэхугъуэр Урысей гвардием щIыгъуу» Iуэхум республикэм щыпащэ. 

Урысей гвардием и управленэу КъБР-м щыIэм и «Вершина» ОМОН-м и лэжьакIуэхэр щыIащ «Звёдочка» сабий санаторэм. ЗэIущIэм хабзэхъумэхэм щагъэлъэгъуащ езыхэр зыхуей Iэщэ-фащэхэмкIэ къызэрызэгъэпэщамрэ зэрызахъумэж Iэмалхэмрэ. 
Сабийхэр псом хуэмыдэу дихьэхат кинологым и лэжьыгъэм, хьэхэм я зэфIэкIым. НыбжьыщIэхэм къащIащ хабзэхъумэхэм ящIыгъу хьэхэр зэрагъасэр, шынагъуэншагъэр къызэгъэпэщын папщIэ ягъэзащIэ мыхьэнэшхуэ зиIэ къалэнхэр. 
- Мы акцэм зэрыхэтым и фIыгъэкIэ сабийхэр Урысей гвардием и лэжьыгъэм щыгъуазэ хъу къудейкъым, атIэ къытщIэхъуэ щIэблэр псэкупсэу егъасэ, - къыхигъэщащ Урысей гвар­дием и офицер, полицэм и майорым.
ЗэIущIэм и кIэухым санаторэм и унафэщI­хэм хабзэхъумэхэм фIыщIэ хуащIащ Iуэху щхьэпэ зэрыриагъэкIуэкIам папщIэ. 
БАХЪСЭН Ланэ.