Зольск районда кюзлюк арпаны оруу башланнганды. Муниципалитетни администрациясындан билдиргенлерине кёре, мирзеуню мылылыгъы азайып, 14 процентге жетгенди, ол себепден аны жыяр заманы келгенди. Псынадаха элде арпаны 25 гектарда оргъандыла, бу ишни битеу да 296 гектарда тамам этерге керекди. Арпаны тирликлилиги 60 центнер чакълы болады.

Будайны кезиую да келе турады. Аз алгъаракъда аны бюртюклерини мылылыгъы 21-22 процент эди, кюн къыздырып тургъаны себепли шёндюлеге ол да мардасына жетгенди.

Элчиле мал ашланы жарашдырыуда тири къармашадыла. Бюгюнлюкге районда 2550 тонна сенаж эмда 430 тонна бичен хазырлагъандыла.

Жайлыкълада да болум игиди  дерчады. Ауар Сыртында, Харбазда, Муштда, Кураттиде, Золкада эмда Хаймашада 12,2 минг тууар мал, кёп къалмай 18 минг къой, 2,1 мингден артыкъ ат кечинедиле. Барыны да халлери тапды, ишчилени жашау турмушларыны да хатасы жокъду, дегендиле районну администрациясыны эл мюлк бёлюмюнде.

Улбашланы Мурат хазырлагъанды.