КъБКъУ-м МедицинэмкIэ и академиер къэзыуха ныбжьыщIэ 387-м я дипломхэр ЩIалэгъуалэм я унэм ды­гъуасэ щратыжащ. Абыхэм ящыщу цIыху 30-р фIы дыдэу еджащ. Дауэдапщэм хэтащ КъБР-м и Iэтащхьэ КIуэкIуэ Казбек. 

«Диплом къыпIэры­хьэ­жы­ныр дэтхэнэ цIыхум дежкIи мыхьэнэшхуэ зиIэ Iуэхущ, - иритхащ КIуэкIуэ Казбек и ­телеграм-каналым. - ЕгъэджакIуэхэм, профессорхэм, ныбжьыщIэхэр езыгъэджа, зыгъэса, IэщIагъэм хэзыгъэгъуэза дэтхэнэ зыми гурэ псэкIэ фIыщIэ яхузощI. Зыр, аккредитацэм пхыкIа нэужь, терапевт е сабий дохутыр ­хъунщ, адрейм и щIэныгъэм ординатурэм щыпищэнщ, нэхъ куууэ дохутыр IэщIагъэ щхьэхуэм зригъэсэн папщIэ. КъБР-м МедицинэмкIэ и академием сыт хуэдэ зэмани IэщIагъэлIхэр фIыуэ игъэ­хьэ­зыру, ахэр Урысейм и лъэныкъуэ псоми щылажьэу къы­зэрекIуэкIыр къыхэзгъэщыну сыхуейщ. Дауи, IэщIагъэ псоми мыхьэнэшхуэ яIэщ, итIани, дохутырхэмрэ егъэджа­кIуэхэмрэ нэхъ хэIэтыкIахэм, къэралри жылагъуэри нэхъ зыхуэныкъуэхэм ящыщщ». 
КIуэкIуэ Казбек ныбжьы­щIэхэм ехъулIэныгъэ яIэу, Къэбэрдей-Балъкъэрымрэ Уры­сеймрэ ирагъэфIакIуэу лэ­жьэну ехъуэхъуащ. 
«Шэч къытесхьэркъым фэ фщыщ дэтхэнэ зыри и Хэ­кум зэрыхуэщхьэпэнум! Гъуэгу ма­хуэ!» - яжриIащ къэзыуха­хэм республикэм и Iэтащ­хьэм.