«Нальчик» спорт арада тхэквондодан эки уллу эришиу – сангырау спортчуланы араларында Россейни чемпионаты бла Кавказны кубогу – бардырылгъандыла. Биринчисине къыралны онюч регионундан жюзден аслам адам къатышхандыла, анда бизни республикадан кюмюш майдалны Татьяна Жилова алгъанды.

Экинчисинде уа Къабарты-Малкъарны къаууму битеукоманда эсепде биринчи жер бла къууандыргъанды. Эки жюз спортчуну араларында, тхэквондочуларыбыз эм кючлюле болуп, 9 алтын, 7 кюмюш, 13 доммакъ майдал къытхандыла. Экинчи жерге – Дагъыстан, ючюнчюге уа – Ингушетия чыкъгъандыла.

Кульчаланы Зульфия.