Ставрополь бла Черкесск шахарлада женгил атлетикадан СКФО-ну биринчилиги бла чемпионаты бардырылгъандыла. Алагъа 6 региондан 500-ден аслам спортчу къатышхандыла.

Атлетле 100, 200, 400, 800, 1500, 3000 метрни эмда чырмаулары болгъан 3000 метрни чабыуда, бийикликге бла узунлукъгъа секириуде, дискни бла копьёну атыуда, эстафеталада сынашхандыла. Республикабызны атындан Спорт министерствону олимпиада резеврли спорт школуну, Майский бла Прохладнаны спорт школларыны келечилери эришгендиле. Ала битеу да 12 алтын, 18 кюмюш, 16 доммакъ майдал къытхандыла. Энчи эсепледе алчы жерлеге Георгий Милокост, Абайланы Ксения, Ахметланы Азнаур, Даниил Войсковой, Теммоланы Ева, Улбашланы Таира, Алена Шаповалова эм башхала чыкъгъандыла.

Бу эсеплеге кёре Къабарты-Малкъарны Россейни биринчиликлерине къатышырыкъ башха-башха жыл санлада жыйымдыкъ къауумлары къуралгъандыла. Къырал даражалы эришиуле кюзге дери Екатеринбургда бла Краснодарда ётерикдиле.

Кульчаланы Зульфия.