Кёп болмай  Къабарты-Малкъар къырал университетни  Элбрусда билим бериу-илму комплексинде «Электроникада микро эм  нанотехнологияла» деген онбешинчи халкъла аралы илму-техника конференция бардырылгъанды, деп билдиргендиле вузну пресс-службасындан.

Анга Россейни регионларындан,  Азербайджан, Белоруссия республикаладан алимле къатышхандыла. Жыйылыуну ача,  КъМКъУ-ну электроника, робототехника эм жалгъан акъыл жаны бла  институтуну таматасы  Замир Шомахов коллегаларына жетишимле тежегенди эм вузланы бу жаны бла тири  байламлыкъда ишлерге  чакъыргъанды. Айтылгъан сёзлеге Белоруссияны къырал университетини информатика эм  радиоэлектроника бёлюмюню  профессору  Александр Смирнов, Санкт-Петербургну политехника  университетини бийик инженер-физика школуну профессору Алексей Филимонов эм КъМКъУ-ну илму-излем  эм инновацияла жаны бла управлениясыны таматасы Наталья Черкесова да къошулгъандыла.

Конференцияны кезиуюнде микро эм  наноэлектроника материалла бла байламлы  82 доклад этилгенди. Энди  аладан  электрон халда жыйымдыкъ китап къураллыкъды эм миллет библиография базагъа (РИНЦ) тюшюрюллюкдю.

Магометланы Сулейман.