«Спортыр террорым и бийщ» къыхуеджэныгъэм щIэту Налшык къалэм и «Налшык» спорт комплексым щекIуэкIащ кикбоксингымкIэ республикэ зэхьэзэхуэхэм я кIэух Iыхьэр. Ар теухуауэ щытащ 2025 гъэм террористхэр ди республикэм и къалащхьэм къызэрытеуэрэ илъэс 20 зэрырикъум. Зэхьэзэхуэр ирагъэкIуэкIащ «КъБР-м терроризмэмрэ экстремизмэмрэ щымыгъэIэн» республикэм и къэрал программэм ипкъ иткIэ.

Зэпеуэхэм хэтащ Къэбэрдей-Балъкъэрым и щIыналъэхэм я спортсмен 230-м щIигъу, я ныбжькIэ илъэс 11 - 14 хъухэу. Зэхьэзэхуэр зэрекIуэкIам кIэлъыплъащ МВД-м и ветеранхэр, КъБР-м и къарузехьэ IэнатIэхэм  я лIыкIуэхэр, КъБР-м СпортымкIэ и министерствэм и унафэщIхэр.

 Удэзыхьэхыу екIуэкIа зэIущIэхэм я хьэлъагъ елъытауэ зыхэта гупхэм япэ увыпIэхэр къыщахьащ Сейфулов Тимур, Вэрокъуэ Амир, Жанэ Жамболэт, Алътуд Дамир, Алэкъей Темыркъан, Токъмакъ Дамир, Тхьэгъэлэдж Темырлан, Согуэ Ахъмэт, Курбанов Рэмэзан, Къэжэр Жамболэт, Къаныкъуэ Давид, Локъуэ Алихъан, Даур Идар, Пекъу Темырлан, КIарэ Къантемыр, Куэший Саид, Зэмбат Iэсхьэд, Бэгъуэт Имир, Алижан Руслан, ГуэбэщIыкI Сосрыкъуэ, Бату Имран, Хъутат Ислъам, Алъхъэс Сэлим, Зурхаев Назир, Мирзоев Дамир, Бэлэтокъуэ Имран, Куэший Ислъам  сымэ.

КъБР-м СпортымкIэ и министерствэм зэхьэзэхуэм къыщыхэжаныкIахэр саугъэт лъапIэхэмкIэ игъэпажащ, абы нэмыщI, спортсмен нэхъыфIу къалъытахэм къызэгъэпэщакIуэхэм къабгъэдэкIыу саугъэт щхьэхуэхэр иратащ.

                                                                  АЛЫДЖЫКЪУЭ Руслан.