|
|
Жаш тёлю совет къуралады
20 апреля, 2025 - 06:03
Къабарты-Малкъарны Жамауат палатасында Жаш тёлю совет къуралгъанды.
Анга кирирге 18-35-жыллыкъ 36 инсан сюйгендиле. Аланы айырыу бла конкурс комиссия эки кюнню кюрешгенди. Жорукълагъа кёре, советде 30-дан кёп адам болургъа жарамайды. Кандидатланы жиберирге онглары битеу районланы да болгъанды, ала кёргюзтгенлени араларында жаш тёлю бла ишлеу жаны бла специалистле, билим бериу учрежденияланы башчыларыны юйретиу ишни къурау жаны бла кенгешчилери, устазла, студентле, предпринимательле да бар эдиле.
Жамауат палатаны Жаш тёлю советине кириу жаш адамлагъа кёп тюрлю амал береди. Кеслерини заманларында анда республиканы жаш тёлюню ишлери жаны бла министрини орунбасары Ахметланы Артур, жарыкъландырыу эм илму министрни орунбасары Мокъаланы Ачемез, министерствону баш специалисти-эксперти Ёзденланы Расул, «Биринчилени атламлары» битеуроссей биригиуню регион бёлюмюню башчысы Аслан Шипшев, аны орунбасары Забакъланы Азамат, Къабарты-Малкъар къырал университетни информация технологияла эмда экономика колледжини директору Этуланы Залина, Элбрус районну администрациясыны баш специалисти Малкъондуланы Ариужан, Черек районну администрациясыны башчысыны кенгешчиси Чеченланы Рустам эм башхала ишлегендиле.
Советге киргенлени атлары 25 апрельде ачыкъ этилликдиле. Аланы ишлеу болжаллары юч жылды, деп билдиредиле Жамауат палатаны пресс-службасындан.
Кульчаланы Зульфия.
 |
|
14.07.2026 - 09:10 Яникойну Муслийман организациясы къурап, 17 жыллары толмагъан элли жаш тёлюню арасында «Эм иги бахча» деген конкурс быйыл бла экини кере бардырылады. |
 |
|
14.07.2026 - 09:09 Юйюрню, сюймекликни эм кертиликни байрамына атап, ич ишле органланы ветеранларыны советинде къууанчлы жыйылыу болгъанды. Ары элли жылны бирге жашагъан юйюрле чакъырылгъандыла.
|
 |
|
14.07.2026 - 09:07 Алгъаракъда билдиргенибизча, «Антарес» билим бериу арада жюзден артыкъ школчу, жай профильли сменде солуп, Москваны физика-техника институтунда ишлеген преподавательледен билим да алгъандыла. |
 |
|
13.07.2026 - 16:47 Къабарты-Малкъарны Россейни Къырал Думасына бла жер-жерли самоуправление органларына айырыулагъа къарарыкъ жамауат штабы Жалынчакъсыз жамауат мониторингни ассоциациясыны «Къырал Думаны IХ чакъырыл |
 |
|
13.07.2026 - 10:13 КъМР-ни Парламентини 2026 жылда жай сессияда ахыргъы жыйылыуунда депутатла быйылны бюджетине тюрлениулени сюзгендиле, республикалы законлагъа тюзетиулени къабыл кёргендиле эмда РФ-ни Къырал Думасын |
|
