ЦIыхухэм я тыншыпIэм хуэщIауэ

2024 гъэм Къэбэрдей-Балъкъэрым псэупIэу псори зэхэту щаухуащ метр зэбгъузэнатIэ мин 6I0,8-рэ икIи ар проценти 9,2-кIэ нэхъыбэщ абы ипэ ита илъэсым яхузэфIэкIам нэхърэ. 
Налшык, Бахъсэн, Май, Шэджэм къалэхэм, Щхьэлыкъуэ, Октябрьскэ, Нартан, Лесное, Учебное, Виноградное жылэхэм къапщытэж лъэхъэнэм къриубыдэу щаухуащ къат куэду зэтет унэу I4I-рэ, псори зэхэту фэтэр 3694-рэ хъууэ. Абыхэм псоми зэхэту яубыдащ метр зэбгъузэнатIэ мин 240,9-рэ. 2023 гъэм елъытауэ процент I,2-кIэ нэхъыбэщ ар. 
Къыхэдгъэщынщи, нэгъабэ унагъуэхэм псэупIэу яухуащ 2725-рэ, псори зэхэту метр зэбгъузэнатIэ 369,9-рэ хъууэ икIи ар процент I5,2-кIэ нэхъыбэщ абы ипэ ита илъэсым яхузэфIэкIам нэхърэ. 
ИрагъэкIуэкIа ухуэныгъэ лэжьыгъэхэм хуэзащ сом мелард 43,6-рэ е 2023 гъэм щыIа бжыгъэхэм проценти I07,2-кIэ хуэкIуэу.
«ЩIыхэр сэбэпынагъ нэхъыбэ яIэу къэгъэсэбэпын, цIыхухэр зыхуэныкъуэ инфраструктурэхэр абыхэм къыщызэгъэпэщын папщIэ лъэныкъуэ куэдкIэ республикэм щыбгъэдохьэ. Псалъэм папщIэ, Налшык къалэм и «КъуэкIыпIэ», «Мей» хьэблэщIэхэм, цIыхухэр куэду зыдэтIысхьэхэм, курыт еджапIэшхуэхэр дащIыхьащ, дызыхуэкIуэ илъэсхэм сабий садхэри щаухуэнущ, гъуэгухэр щаукъуэдиинущ, цIыхухэр зэхуэсыпIэхэр зыхуей щыхуагъэзэнущ, зэIузэпэщ ящIынущ.
Зэрыщыту къэбгъэлъагъуэмэ, апхуэдэу зызрагъэужьын хуей щIыпIэ нэщIу 20 республикэм щыIэщ, псори зэхэту гектар 236 хъууэ», - жиIащ КъБР-м ухуэныгъэмрэ ЖКХ-мкIэ и министрым и къалэнхэр пIалъэкIэ зыгъэзащIэ Журавлев Андрей. 

ХЬЭЩЫКЪУЕЙ Олег.

Поделиться:

ЧИТАТЬ ТАКЖЕ:

09.11.2026 - 15:59

ЦIыху мелуанитIым щIигъум зыщагъэпсэхуащ ди щIыналъэм

Къэбэрдей-Балъкъэр Республикэм туриз­мэм и иджырей щытыкIэмрэ абы дяпэкIэ зэрызиужьынумрэ щытепсэлъыхьащ КъБР-м и Парламентым ЭкономикэмкIэ, зыужьыныгъэмкIэ, туризмэмрэ хьэрычэт IуэхумкIэ и ­комите

09.11.2026 - 09:11

Къалащхьэм нэхъри зегъэужьыным теухуауэ

КъБР-м и Iэтащхьэ КIуэкIуэ Казбек иригъэкIуэкIащ республикэм и къалащ­хьэм адэкIи сыт и лъэныкъуэкIи зегъэужьыным теухуа зэIущIэ.

09.11.2026 - 09:10

ЩIыналъэм и зэфIэкIхэм хэзыгъахъуэ IэнатIэ

КIуэкIуэ Казбек дыгъуасэ иригъэкIуэкIащ НэгъуэщI къэралхэм сату ядэщIынымкIэ советым и зэIущIэ.

09.11.2026 - 09:08

Депутатхэр Шэрий Иналбэч йохъуэхъу

Тэрч щIыналъэм щагъэ­лъэпIащ бэнэкIэ хуитымкIэ иджыб­лагъэ дунейпсо чем­пион­ хъуа Шэрий Иналбэч.

09.11.2026 - 09:07

УсакIуэм и фэеплъу

Лъэпкъым и бын щэджа­щэ ЩоджэнцIыкIу Алий къы­щалъхуа махуэр курыт еджапIэхэм, тхылъ хъумапIэ­хэм, щэнхабзэмкIэ унэхэм щагъэлъэпIащ.