Арт алты жылда Къабарты-Малкъарда кеслери бир тюрлю иш бла кюрешгенлени саны 55 кереге кёбейгенди. Эсге сала айтсакъ, сагъынылгъан къауумгъа энчи налог 2020 жылда кийирилгенди.  Ол заманда аны 1,5 минг адам тёлегенди, бусагъатда уа ала 83 мингден артыкъ бардыла. 
Гитче эм орта предпринимательлеге болушлукъ тапдырыу арада да болушургъа хазырдыла. Мында къыйматлы проект къураргъа, аны бардырыргъа да себеплик этиледи. 
Регистрацияны ётгенле закон бла ишлерге онг табадыла. Аны ючюн энчи предприниматель болургъа керекмейди, алай ишинден файда алгъаны ючюн налог тёлерге тюшерикди. Аллай амал предпринимательлени ишлерин ачыкъ этерге эм бюджетни да байыкъландырыргъа болушады.
Былтыр сагъынылгъан къауумдан 106 миллион сомдан артыкъ налог жыйылгъанды. Ол буруннгу жылдан 64 процентге кёпдю.