Шимал-Кавказ  статистика управлениядан билдиргенлерича, былтыр Прохладна районну мюлклеринде малланы  бла юй къанатлыланы этлеринден (союлмагъан ауурлукъда) 30,3 минг тонна чакълы   сатылгъанды. Ол,  буруннгу жыл бла тенглешдиргенде 105,4 процентге кёпдю.

Саулай алып айтханда,  Прохладна район   республикада чыгъарылгъан эт  продукциядан 20 процентин береди. Анга кёре  алчы жерни  алады.  

Сютню юсюнден айтханда да,  53,6 минг тонна сауулгъанды. Жумуртхаладан да 29,9 миллион чакълысы алыннганды.  Алай бла эки къауумда да 101,4 эм 2,6 процент ёсюм эсленеди.  Бу бёлюмле  бла байламлы да  муниципалитетге ючюнчю жер жетеди. Республикада сатылгъан  жумуртхаланы 11 проценти мында чыгъарылгъанды. 

Эсге сала айтсакъ, арт жыллада районда тууарланы, ол санда ийнеклени эм ууакъ малланы, саны да иги кесекге ёсгенди.

Бизни корр.