Сумо

Къэбэрдей-Балъкъэрым сумомкIэ и 6-нэ чемпионатрэ пашэныгъэр къыщыхьыным хуэунэтIа зэхьэзэхуэрэ Шэджэм къалэм и спорт комплексым щекIуэкIащ мы махуэхэм. Абы щызэпеуащ республикэм и щIыналъэхэм я спортсмени 100-м нэблагъэ.

Я хьэлъагъ елъытауэ зыхэта гупхэм чемпион щыхъуахэщ Вэрокъуэ Андемыркъан (Шэджэм), Бэч Ибрэхьим (Налшык), Мамбэт Мурат (Налшык), МыкIуэф Идар (Налшык), Борэн Абдрэхьмэн (Шэджэм), Лыхь Ясминэ (Налшык), Джанукуевэ Эллинэ (Жэмтхьэлэ Ипщэ), Сэбаншы Динарэ (Шэджэм), Гъубжокъуэ Ислъам (Шэджэм), Гугъуэтыж Имран (Налшык), Эттеев Азэмэт (Шэджэм) сымэ.

Зэхьэзэхуэм япэ увыпIитIыр къыщызыхьахэр хэтынущ УФ-м сумомкIэ и чемпионатымрэ пашэныгъэр къэхьыным хуэунэтIауэ мы гъэм екIуэкIыну зэхьэзэхуэмрэ.

                                                                                    БЭБЭЧ Башир.