Шимал Осетия-Аланияда жашагъанланы 80 проценти христиан динни тутадыла. Анга да къарамай, Владикавказда 1908 жылда азербайджанлы меценат Муртаз Мухтаров ишлетген межгит бюгюнлюкде да сюеледи. Ол федерал магъанасы болгъан тарих эмда архитектура эсгертмеге саналады. Биз анда болгъан заманда межгитни арбазы тапландырыла тура эди.
Ол къалай ишленнгенин да билдик. Аны ишлетирге ахча берген Мухтаров Владикавказгъа келгенинде, автовокзалда намаз эте тургъан акъсакъалны кёреди. Ол намазын этип бошагъынчы сакълап, межгитге нек бармагъанын сорады. Акъсакъал межгит битмегенин, мурдорундан сора жукъ болмагъанын айтады. Муртаз Мухтаров, ахчаны бергенден сора да, ол къалай къоратылгъанына эс бёлюрге кереклисин ангылап, къурулушну тохтап тургъан жеринден тепдиреди. 
Владикавказда эски журтланы кетерген тёре жокъду.  Шахарны Мир проспектинде аллай эрттегили мекямла бютюн кёпдюле. Туристле аланы кёрюрге кёп санда барадыла. 

Мамайланы Алий.