КIуэкIуэ Казбек Мэзкуу лэ­жьы­гъэ IуэхукIэ щыхуэзащ ­УФ-м узыншагъэр хъумэнымкIэ и министр Мурашкэ Ми­хаил.
 
ЗэIущIахэр зэгурыIуащ Къэ­бэрдей-Балъкъэрыр зы­хы­хьа «ЦIыхухэр узыншэу илъэс куэд­кIэ псэун» проектыр гъэ­­- зэ­щIа зэрыхъуну щIыкIэмкIэ. Ар хуэунэтIащ цIыхухэр япэу зыщIэупщIэ медицинэ дэIэпыкъуныгъэхэр щагъуэт IуэхущIапIэхэр зэманым декIуу къэгъэщIэрэщIэжыным. 
Узыншагъэр хъумэнымкIэ ми­нистерствэм КIуэкIуэ Казбек щыпхигъэкIащ 2026 - 2030 гъэ­хэм медицинэ объекты­щIэхэр яухуэным тещIыхьа проектхэр, ахэр псори зэхэту 80 мэхъу. Зи гугъу ящIыр нэхъыбэу поликлиникэхэрщ, амбулаторэхэрщ, фельдшер-акушер пунктхэрщ. 
АмбулаторэщIэхэр щаухуэнущ Белая Речкэ, Шэрэдж Ищхъэрэ, Старэ Шэрэдж, Свет­ловодскэ, Дей, Красно­сельскэ, Къубэ-Тэбэ къуа­жэ­хэм. 
Налшык хиубыдэ Дубки хьэб­лэмрэ Нарткъалэрэ дэт сабий поликлиникэхэм, Бахъсэн ­район сымаджэщым, Гундэлэн амбулаторэмрэ Тырныауз дэт поликлиникэмрэ ирахьэлIэ лэ­жьы­гъэр и кIэм нагъэсынущ. Къи­нэмыщIауэ, зэрахьэнущ Балъ­къэр Ипщэм дэт сымаджэщыр, Жэмтхьэлэрэ Къулъкъужынрэ дэт амбулаторэхэр.
КIуэкIуэ Казбек министрыр щыгъуазэ ищIащ 2021 - 2025 гъэ­­хэм ирагъэкIуэкI  лэжьы-гъэ­хэм. А зэманым къриубы­дэу, поликлиникэ 31-рэ зэрахьащ, объекти 7-м нэс зэ­Iу­зэ­пэщ ящIащ, щIэуэ яухуахэри хэту. А псори унэлъащIэрэ иджы­рей IэмэпсымэкIэ къы­зэ­рагъэпэщащ. Медицинэр зэма­ным декIу зэрыхъуам и фIыгъэкIэ, цIыхухэм дохутырхэм нэхъ тегушхуауэ зыхуагъазэ, сы­маджэщхэм щIэлъынри ­нэхъ къатемыхьэлъэу мэхъу, езы дохутырхэми я лэжьы-         гъэр йофIакIуэ. 
КIуэкIуэ Казбек Мурашкэ фIы­щIэ хуищIащ республикэм зэ­ры­зыкъыщIигъакъуэм, жэрдэм псо­­р­и къазэрыдиIыгъым папщIэ. 
«Ди республикэр медицинэ IуэхущIапIэхэр зэманым декIуу къызэгъэпэщын и лъэны­къуэ­кIэ пэрытхэм язщи, дяпэкIи абы дытетыну ди мурадщ, сыту жы­пIэмэ, абы ди цIыхубэм я дежкIэ мыхьэнэшхуэ иIэщ», - иритхащ КIуэкIуэ Казбек и телеграм-каналым.