Вольный Ауулда «Билим бериу миллет проектге кёре  800 окъуучугъа  деп ишлене тургъан  12-чи номерли школну къурулушу бошала турады. Ол  жангы мардалагъа толусунлай  келиширча боллукъду. 

Эски мектепге быйыл 124 жыл толлукъ эди. Ол  иги да тозурап  жараусузгъа саналгъанды  эм жангы излемлеге да  артыкъ келишмегенди.  Аны ючюн аны орунуна жангысын ишлеу  тап кёрюлгенди.

Юч къатлы школну тышы, ичи да омакъды.  Жарыкъ  классларындан сора да, жыйылыула ётдюрген  эм спортдан жараула бардыргъан заллары, уллу ашханасы, ойнаучу майданлары эм стадиону да бардыла. Учрежденияны арбазы да айбатландырыллыкъды.

Аны бла бирге   ол жангы мебель, техника эм  башха затла бла да жалчытылынырыкъды. Жангы школда  ахшы   эски адетле  да сакъланырыкъларын энчи белгилерчады.

Эсге сала айтсакъ, жангы окъуу жылда республикада он школ хайырланыргъа берилликдиле.