КъМР-ни Башчысы Казбек Коков бу кюнледе ишчи жумуш бла Москвада болгъанды эмда къауум тюбешиу бардыргъанды. Аланы кезиуюнде миллет проектлени жашауда бардыргъанда Къабарты Малкъар федерал программлагъа да тири къатышырча эм республиканы айнытыу жаны бла къаллай инвестиция онглары болгъаныны юсюнден  соруула сюзюлгендиле. Аны юсюнден республиканы Башчысы Казбек Коков кесини телеграм-каналында билдиргенди.

Эсигизге салайыкъ, 2005 жылда республика он эки миллет эмда 38 федерал проектге къатышады. Ал этилген тергеулеге кёре  аланы ахча жаны бла жалчытыу  10 миллиарад сомгъа жууукъ болады.

Миллет проектле республиканы социал экономика айнытыу жаны бла битеу бёлюмлеринде-билим бериуде эм илмуда, саулукъ сакълауда, маданиятда, спортда, эл мюлкде, туризмде, жолланы ишлеуде, транспортну, коммунал мюлкню жангыртыуда эм башха жерледе бардырыладыла.  

 Жууукъ юч жылны ичинде регионда эки жюзден аслам къурулуш мекям ишленирикди, ол санда аланы бир бёлегине тынгылы ремонт эм жангыртылыннган да этилликди. Ишни тамамланнганына кёре, бир къауум кёрюмдю бла республика алчы жерледе барады. Ол себепден, ишни селейтмей, мындан ары да тири бардырыргъа керекди. Андан сора битеу белгиленнген ишлени битдирирге эм Къабарты-Малкъарда жашагъанла ючюн аллыбызда тургъан муратланы толтурургъа битеу кючюбюзню салып урунургъа керекбиз, деп чертгенди республиканы Башчысы.