ХьэщIагъэрэ гуапагъэрэ кIэлъызэрахьэ

23 января, 2025 - 06:03

Къэбэрдей-Балъкъэрымрэ Къэзахъстанымрэ кикбоксингымкIэ я спортсменхэм я еджэныгъэ-зыгъэсэныгъэ зэхуэс Налшык къалэм щекIуэкIащ. Ди республикэм щыщу абы хэтащ Налшык, Нарткъалэ, къалэхэм Щхьэлыкъуэ, Джэрмэншык, Анзорей къуажэхэм щыщ спортсмени I60-рэ, я ныбжькIэ илъэс I2-м щегъэжьауэ 20-м нэсыху къызэщIаубыдэу. Къэзахъстаным цIыху 20 къикIат, тренерищ я гъусэу.
Еджэныгъэ-зыгъэсэныгъэ зэхуэсым хэтахэм зыхуагъэхьэзыращ я къэралхэм къащыпэщылъ зэIущIэхэм: Къэзахъстаным - кикбоксингымкIэ щекIуэкIыну чемпионатым, УФ-м - КИФЩI-м пашэныгъэр къыщыхьыным хуэунэтIауэ Черкесск къалэмрэ Налшыкрэ щызэхашэну зэхьэзэхуэхэм. 
ЗэIущIэхэр ирагъэкIуэкIащ КъБР-м кикбоксингымкIэ и федерацэм и унафэщI Къудей Артур, тренер нэхъыжь Куэшмэн Рустам, Къэзахъстаным и командэ къыхэхам и тренер Селиков Ессенмурад сымэ. 
ХьэщIэхэр ирагъэжьэжын ипэ къихуэу ахэр яшащ Налшык и «Тысяча ступеней» лъагъуэм икIи абы къыщажыхьащ. ИужькIэ ахэр Iуащхьэмахуэ лъапэ дашри зрагъэплъыхьащ икIи ялъэгъуамкIэ, бысымхэм къыкIэлъызэрихьа хьэщIагъэмкIэ арэзырэ дэрэжэгъуэ ягъуэтауэ ежьэжахэщ.

ТОМЭКЪУЭ Iэдэм.

  • 13 просмотров

Поделиться:

ЧИТАТЬ ТАКЖЕ:

19.07.2025 - 09:03

Заремэ и фэилъхьэгъуэхэр ягъэлъагъуэ

Налшык къалэм нэчыхьхэр щрагъэтх и Уардэунэм щагъэлъэгъуащ дизайнер Дудар Заремэ и IэдакъэщIэкI фэилъхьэгъуэхэр.
19.07.2025 - 09:03

Къыдэхьэхыпхъэщ нэгъуэщIым ямыIэхэмкIэ

Къэбэрдей-Балъкъэрым и хьэщIащ «Российский центр оборота прав на результаты творческой деятельности» (РЦИС) урысейпсо жылагъуэ-къэрал IуэхущIапIэм и лIыкIуэхэр.
18.07.2025 - 09:03

НыбжьыщIэхэр дихьэхат

«Зыгъэпсэхугъуэр Урысей гвардием щIыгъуу» Iуэхум республикэм щыпащэ. 
17.07.2025 - 15:59

Нурхьэлий фэеплъ къыхузэIуах

Къулъкъужын Ипщэм и курыт еджапIэ №2-м пэкIу щекIуэкIащ, ар къэзыуха, дзэ Iуэху хэхам лIыхъужьу хэкIуэда Гугъуэт Нурхьэлий и щыхькIэ.
17.07.2025 - 09:40

Анэдэлъхубзэр зыгъэбзэрабзэхэр

«Адыгэ дуней» лъэпкъ фондым къызэригъэпэща «Сыринэ» щIалэгъуалэ театрым и унафэщI Гугъуэ­-тыж Ахьмэд зи пашэ гупым къе­жьапIэ яхуэхъуамрэ я мурад­хэмрэ тедгъэпсэ­лъы­хьащ.