Къабарты-Малкъарда аш-азыкъ эмда жарашдырыучу предприятияла былтыр онбир айны ичинде иги кесек продукция чыгъаргъандыла, деп билдиргендиле къырал статистика ведомствону Шимал Кавказда бёлюмюнде. Сагъынылгъан кезиуде ёсюм, буруннгу жыл бла тенглешдиргенде, юч процентден аз аслам болгъанды, сууланы чыгъарыу а эки кереге окъуна кёбейгенди.

Аш-азыкъланы юсюнден айтханда, предприятияла бегирекда ётмекден эмда ундан жарашдырылгъан ашарыкъладан, сары эмда битим жауладан, сют эмда сют башдан аслам чыгъаргъандыла. Дагъыда кёгет эмда жемиш консерваланы, нартюх крахмалны, мал ашланы производствосу кёбейгенди. Сууладан а  татлы, чагъыр, сыра, аракъы, ликёр маталлы ичгилени.

Бу ведомстводан алгъаракъда билдиргенлерича, Къабарты-Малкъарда эл мюлк продукцияны чыгъарыу да къошхан эди: сагъынылгъан онбир айны ичинде битимчилик эмда малчылыкъ 4,3 процент ёсюм кёргюзтгендиле. Ахча бла тергегенде ол 64,9 миллиард сом болгъанды.

Улбашланы Мурат.